Perdeǵaliy Dabılov
| Perdeǵaliy Dabılov | |
|---|---|
| Пердеғалий Абатбаевич Дабылов | |
| Tuwılǵan sánesi | 1-sentyabr 1974-jılı (52 jasta) |
| Tuwılǵan jeri | Kegeyli rayonı |
| Puqaralıǵı |  Ózbekstan |
| Ilimiy tarawı | filologiya, ádebiyattanıw, qaraqalpaq ádebiyatı |
| Jumıs orınları | Nókis mámleketlik pedagogikalıq institutı, Qaraqalpaqstan Respublikası Ministrler Keńesi |
| Bilim alǵan jeri | Nókis mámleketlik pedagogikalıq institutı |
| Ilimiy dárejesi | Filologiya ilimleriniń doktorı (DSc, 2025) |
| Belgili isleri | Qaraqalpaq poeziyasında lirikalıq qaharman koncepciyası |
| Sıylıqları | Qaraqalpaqstan Respublikası Xalıq bilimlendiriw aǵlası |
Dabılov Perdeǵaliy Abatbaevich (Пердеғалий Дабылов; 1974-jıl 1-sentyabr, Kegeyli rayonı) — qaraqalpaq ádebiyattanıwshı alımı, shayır hám mámleketlik isker. Filologiya ilimleriniń doktorı (DSc).
Ómiri
[redaktorlaw | derekti redaktorlaw]1974-jılı 1-sentyabrde Kegeyli rayonınıń «Erkindárya» awıllıq keńesinde tuwıldı. 1992–1997-jılları Nókis mámleketlik pedagogikalıq institutınıń qaraqalpaq tili hám ádebiyatı fakultetinde bilim aldı.
Iskerligi
[redaktorlaw | derekti redaktorlaw]1997–2002-jılları Nókis mámleketlik pedagogikalıq institutında oqıtıwshı, 2002–2006-jılları ruwxıylıq hám aǵartıwshılıq bólimi baslıǵı boldı. 2006-jıldan baslap Qaraqalpaq ádebiyatı kafedrasıda oqıtıwshı, keyinirek hár qıylı bólim baslıǵı hám dekan orınbasarı lawazımlarında isledi.
2020-jıldan baslap Qaraqalpaqstan Respublikası Ministrler Keńesi Baslıǵınıń mámleketlik til máseleleri boyınsha másláhátshisi — Departament baslıǵı lawazımında islep kelmekte.
Dóretiwshiligi
[redaktorlaw | derekti redaktorlaw]Ilimiy iskerligi
[redaktorlaw | derekti redaktorlaw]2018-jılı «Qaraqalpaq poeziyasında lirikalıq qaharman obrazınıń jasalıw ózgeshelikleri (T.Mátmuratov hám K.Raxmanovtıń poeziyası mısalında)» degen temada filologiya ilimleri boyınsha filosofiya doktorı (PhD) dissertaciyasın jaqladı. 2025-jılı «Qaraqalpaq ádebiyatında lirikalıq qaharman koncepciyası (lirikalıq subyekt hám obyekt máselesi)» degen temada doktorlıq (DSc) dissertaciyasın tabıslı qorǵadı.
Poeziyası
[redaktorlaw | derekti redaktorlaw]Talantlı shayır sıpatında qaraqalpaq ádebiy ortalıǵına jaqsı tanıs. Ol Ózbekstan hám Qaraqalpaqstan Jazıwshılar awqamınıń aǵzası.
- «Kewlimde ándiyshe kópdur» (2002);
- «Ay kórikli Ayziya» (2012);
- «Júrektegi jańǵırıq» (2023) atlı poeziyalıq toplamları basıp shıǵarılǵan.
Sıylıqları
[redaktorlaw | derekti redaktorlaw]- 2004-jılı Ózbekstan Respublikası Xalıq bilimlendiriw ministrliginiń «Húrmet jarlıǵı»;
- 2012-jılı Qaraqalpaqstan Respublikası Xalıq bilimlendiriw aǵlası;
- 2013-jılı Ózbekstan Respublikası Xalıq bilimlendiriw aǵlası kókirek belgileri menen sıylıqlanǵan.
Miynetleri
[redaktorlaw | derekti redaktorlaw]- Qaraqalpaq poeziyasında lirikalıq qaharman obrazınıń jasalıwı (I.Yusupov, T.Mátmuratov hám K.Raxmanovlardıń dóretiwshiligi mısalında). Nókis, 2017;
- Qaraqalpaq ádebiyatında lirikalıq qaharman koncepciyası (lirikalıq subyekt hám obyekt máselesi). Tashkent, «Bookmany print», 2024.
Ádebiyatlar
[redaktorlaw | derekti redaktorlaw]- ҚАРАҚАЛПАҚ ТИЛИ ҲӘМ ӘДЕБИЯТЫ ҚӘНИГЕЛИГИНЕ 90 ЖЫЛ. НӨКИС. «BILIM». 2025.