Perdebay Nurjanov

Perdebay Nurjanov
Tuwılǵan sánesi	25-mart 1963-jılı(1963-03-25) (62 jasta)
Tuwılǵan jeri	Shımbay rayonı
Ilimiy tarawı	Filologiya, ádebiyattanıw, ádebiy sın
Jumıs orınları	N. Dáwqaraev atındaǵı Til hám ádebiyat institutı QMU
Bilim alǵan jeri	QMU M.Gorkiy atındaǵı jer júzlik ádebiyat institutı (Moskva, 1989-1993)
Belgili tezis(ler)i	«Qaraqalpaq dástanı» qaraqalpaq ádebiyatında birinshi tariyxıy trilogiya»

Perdebay Nurjanov (1963-jıl 25-mart) — ádebiyat izertlewshisi hám sınshı.

Ómir hám miynet jolı

P. Nurjanov 1963-jılı 25-martta Shımbay rayonında tuwılǵan.

Orta mektepti tamamlaǵannan soń, Berdaq atındaǵı Qaraqalpaq mámleketlik universitetiniń filologiya fakultetinde oqıp bilim aladı.

Miynet jolın 1985-jılı Ózbekstan Respublikası Ilimler Akademiyası Qaraqalpaqstan bólimi N. Dáwqaraev atındaǵı Til hám ádebiyat institutınıń kishi ilimiy xızmetkeri wazıypasınan basladı.

P. Nurjanov 1998-jıldan Jazıwshılar awqamınıń aǵzası.

Ilim jolı

1989-93-jılları Moskvadaǵı M.Gorkiy atındaǵı jer júzlik ádebiyat institutında aspirantura kursında oqıǵan. 1994-jılı «T. Qayıpbergenovtıń «Qaraqalpaq dástanı» qaraqalpaq ádebiyatında birinshi tariyxıy trilogiya» atamasındaǵı kandidatlıq dissertaciyasın jaqlaǵan. Házirgi waqıtta Berdaq atındaǵı Qaraqalpaq Mámleketlik universitetiniń filologiya fakultetinde oqıtıwshı bolıp islep atır.

Onıń «Sveryaya s narodnoy pamyatyu» (1994), «Dáwir talabı hám kórkem ádebiyat» (1993), «Ǵárezsizlik dáwirdegi qaraqalpaq prozası» («XX ásir qaraqalpaq ádebiyatı» sabaǵı ushın qosımsha oqıw qollanbası) (2003), «Házirgi qaraqalpaq romanı poetikası (kompoziciyalıq hám janrlıq-stillik ózgeshelikleri)» (2008), «Házirgi qaraqalpaq romanı (syujet hám konflikt poetikası)» (2009) ilimiy kitapları basılıp shıqtı. Ol 5-klass ushın «Ádebiyat» (2007) sabaqlıǵınıń avtorlarınıń biri boldı.

Ádebiyatlar

• Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0