Programmalıq támiynattı analizlew úlgisi
Programmalıq támiynattı analizlew úlgileri yamasa programmalıq injiniringdegi analiz úlgileri ‒ bul modellestiriwde jiyi ushırasıwı múmkin bolǵan jaǵdaydıń abstrakciyasın sáwlelendiretuǵın konceptual modeller bolıp tabıladı. Analiz úlgisi «domenge biytárep túrde anıqlanǵan stereotipli atributları (maǵlıwmat anıqlamaları), minez-qulqı (metod signaturaları) hám kútilip atırǵan óz-ara tásirleri bolǵan baylanıslı, ulıwma obektler (meta-klasslar) toparı» retinde kórsetiliwi múmkin[1]
Sholıw
Martin Fauler úlgini «bir ámeliy kontekstte paydalı bolǵan hám basqalarında da paydalı bolıwı itimal ideya» dep anıqlaydı[2]. Ol sonday-aq, analiz úlgisin, yaǵnıy «haqıyqıy programmalıq támiynattı ámelge asırıwlarǵa qaraǵanda biznes-processlerdiń konceptual strukturaların sáwlelendiretuǵın» úlgini túsindiredi. Mısal:
Martin Fauler bul úlgini «domenge tásir etetuǵın qanday da bir qızıqlı nárseniń yadın saqlaytuǵın» úlgi dep sıpatlaydı[3].
Analiz úlgisin táriyiplew
Analiz procesinde biz máseleni túsiniwge háreket etemiz. Fauler óz kitabında tallaw úlgilerin jazıwdıń yaki sıpatlawdıń rásmiy usılın tolıq málimlemeydi. Sonnan berli olardı sıpatlaw ushın izbe-iz hám bir túrli formatqa iye bolıw boyınsha usınıslar ortaǵa taslanǵan. Olardıń kópshiligi Erix Gamma, Frank Bushmann hám Kristofer Aleksanderdiń úlgiler (arxitekturada yaki kompyuter ilimlerinde) boyınsha jumıslarına tiykarlanǵan. Solardıń biri, Xaxsler tárepinen usınılǵan[4], tómendegi strukturaǵa iye:
- Úlgi ataması: úlgi ataması onıń neni abstrakciyalap atırǵanınıń mánisin haqıyqattan da sáwlelendiriwi kerek. Ol analiz waqtında oǵan silteme beriw múmkin bolatuǵınday ápiwayı bolıwı kerek.
- Maqset: maqset úlginiń erisiwge umtılıp atırǵan maqsetin sıpatlawǵa qaratılǵan. Ol sonday-aq, ol sheshiwge háreket etip atırǵan máseleni táriyiplewi kerek.
- Motivaciya: «Máseleni hám analiz úlgisiniń anıq scenariydegi sheshimge qalay úles qosatuǵınlıǵın kórsetetuǵın scenariy»
- Kúshler hám kontekst: «Analiz úlgisi arqalı sheshiliwi kerek bolǵan kúshler hám kelispewshiliklerdi talqılaw»
- Sheshim: «Motivaciya bólimindegi scenariyde analiz úlgisi arqalı erisilgen sheshimdi hám kúshler teńsalmaqlılıǵın sıpatlaw. Analiz úlgisiniń barlıq tiyisli strukturalıq hám minez-qulqı aspektlerin óz ishine aladı.»
- Nátiyjeleri: bul úlgi arqalı maqsetke onıń shekleniwleri menen qalay erisilgenin atap kórsetiwi kerek.
- Dizayn: Bul úlginiń dizayndı ámelge asırıw usınısları.
- Belgili qollanıwlar: Bul úlgini qollanıwdıń real dúnya mısalları.
Derekler
- ↑ Purao, Sandeep; Storey, Veda C.; Han, Taedong (September 2003). "Improving Analysis Pattern Reuse". Information Systems Research 14 (3): 169–290. ISSN 1526-5536. http://purao.ist.psu.edu/journal-papers/ISR-Purao-Storey-Han-2003.pdf. Retrieved 2007-01-31.
- ↑ Fowler, Martin. Analysis Patterns: Reusable Object Models, 1996-11-27.
- ↑ Fowler. «Accounting Patterns». Analysis Pattern. Qaraldı: 31-yanvar 2007-jıl.
- ↑ Hahsler. «Software Engineering with Analysis Patterns» (noyabr 2001). Qaraldı: 26-avgust 2023-jıl.