Qállibek Begjanov
| Qállibek Begjanov | |
|---|---|
| Tuwılǵan sánesi | 1931-jılı |
| Tuwılǵan jeri | Keńes awılı, Shımbay rayonı |
| Qaytıs bolǵan sánesi | 2004-jılı |
| Dóretiwshilik túri | proza |
| Oqıǵan jeri | Qaraqalpaq mámleketlik pedagogikalıq institutı |
| Birinshi kitabı | «Maydı tókken kim?» |
Qállibek Begjanov (1931-2004) — jurnalist hám jazıwshı.
Ómir hám miynet jolı
[redaktorlaw | derekti redaktorlaw]Q.Begjanov 1931-jılı Shımbay rayonınıń «Keńes» awılında tuwılǵan. Orta mektepti pitkergennen soń, Nókis poligrafkombinatında hárip teriwshi hám korrektor bolıp jumıs basladı. Sonınan Qaraqalpaq mámleketlik baspasında tex redaktor, redaktor, óndiris bóliminiń baslıǵı, «Jetkinshek» gazetasınıń bólim baslıǵı, «Qaraqalpaqstan jasları» gazetasında redaktor bolıp isledi. 1952-56-jılları jumıs islep júrip Qaraqalpaq mámleketlik pedagogikalıq institutın sırttan oqıp pitkeredi. Ol Moskvadaǵı jurnalistika fakultetin pitkeredi (1964-66), Baspa sóz basqarmasında bas redaktor, baslıqtıń orınbasarı, Nókis poligrafkombinatınıń direktorı, Baspa sóz boyınsha mámleketlik komitettiń baslıǵı (1966-80), Qaraqalpaqstan Oraylıq saylaw komissiyasınıń baslıǵı (1989-94), «Erkin Qaraqalpaqstan» gazetasınıń bas redaktorı, Qaraqalpaqstan Respublikası Jurnalistler awqamı, Respublika kitapkumarlar jámiyeti awqamınıń baslıǵı, «Aral hawazı» gazetasında bas redaktor bolıp isledi.
Q.Begjanov 1995-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Q. Begjanovtıń «Maydı tókken kim?», «Sút ishkiń kele me?», «Sońǵı ketpen», «Júrek hámiri menen», «Gúllengen kolxozda», «Álipbeden basladık» atlı prozalıq shıǵarmaları shıqtı. Ol qazaq folklorınan «El awzınan», túrk ádebiyatınan «Hamidke at joq» atlı shıǵarmalardı qaraqalpaq tiline awdardı.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0