Qalıy Jumaniyazov

Qalıy Jumaniyazov
Tuwılǵan sánesi	10-may 1924-jılı(1924-05-10)
Tuwılǵan jeri	Tazajol awılı, Shımbay rayonı
Qaytıs bolǵan sánesi	2004-jılı(2004)
Dóretiwshilik túri	proza
Ataqları	«Qaraqalpaqstan Respublikasına miyneti sińgen mádeniyat xızmetkeri»
Sıylıqları	«Qaharmanlıǵı ushın» medalı

Qalıy Jumaniyazov (1924-2004) — jazıwshı hám jurnalist.

Ómir jolı

Q. Jumaniyazov 1924-jılı 10-mayda Shımbay rayonındaǵı Tazajol awılında tuwılǵan. Ol 1941-45-jılǵa shekem ekinshi jáhán urısı frontlarında boldı, 1947-jılı áskerlikten qaytıp kelgennen soń mektepte muǵallim bolıp isledi. 1950-jılı pedagogikalıq uchilisheni sırttan oqıp pitkeredi, 1955-jılı Qaraqalpaq mámleketlik pedinstitutın pitkerip, «Sovet Qaraqalpaqstanı» gazetasına jumısqa keledi.

Q. Jumaniyazov bul jerde dáslep ádebiy xızmetker, sonınan bólim baslıǵı, 1958-72- jılları «Ámiwdárya» jurnalınıń juwaplı xatkeri, 1972-77-jılları «Sovet Qaraqalpaqstanı» gazetasınıń óz xabarshısı, keyingi jılları «Ámiwdárya» jurnalınıń proza bóliminiń baslıǵı xızmetlerin atqaradı.

Q. Jumaniyazov 1961-jıldan Jazıwshılar awqamınıń aǵzası.

Dóretiwshilik jolı

Jazıwshınıń «Talpınıw» (1960), «Dáslepki oylar» (1961), «Qosıqlar» (1972), «Jırlarım menin» (1972) atlı qosıqlar hám poemalar toplamları basıldı.

Onıń «Qızıl qum qońırawları» (1969), «Qosbulaq qıssası» (1974), «Dáslepki adım» (1980) degen ocherk hám gúrrińler toplamları, povestleri hám romanı óz aldına kitap bolıp basıldı.

Q. Jumaniyazovtıń bir neshe shıǵarmaları tuwısqan xalıqlar tillerine de awdarılǵan.

Jetiskenlikleri

Q. Jumaniyazov «Qaraqalpaqstan Respublikasına miyneti sińgen mádeniyat xızmetkeri» húrmetli ataǵına iye, sonday-aq ol «Qaharmanlıǵı ushın» medalı, Qaraqalpaqstan Respublikasınıń Joqarǵı Keńesiniń húrmet jarlıqları menen sıylıqlanǵan.

Ádebiyatlar

• Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0