Qanliko'l rayonı

QARAQALPAQ WİKİPEDİASININ' MAG'LIWMATI
(Qanliko'l rayoni degennen burılg'an)
Jump to navigation Jump to search

Qanliko'l rayonı Qaraqalpag’istan Respublikasinin’ orayliq bo’liminde jaylasqan. 1970-jil 7-dekabrde Qon’irat ha’m Shomanay rayonlarinin’ bo’limlerinen Leninabat ati menen ajralip shiqqan. 1993-jil 9-yanvardan Qanliko’l rayoni dep ataldi. Jer maydani 0,74 min’ km². Xalqi 41,3 min’ adam (2005), tiykarinan qaraqalpaqlar ham qazaqlar janede bul jerde o’zbekler, tu’rkmenler, kareysler, tatarlar, ruslar ham basqada millet wakilleri jasaydi. Xalqinin’ ortasha tig’izlig’I 1km² qa 55,8 adam. Rayonda 1 qala, 4 awil puqaraliq jiyini bar. Rayonnin’ orayi – Qanliko’l qalasi. Rayon aymag’I to’mengi Amiwdaryanin’ shep qirg’ag’indag’I Serenum tegisliginde. Relefi: tiykarinan pastegislik, ko’shpe qumlar bar (Arzimbetqum massivi). Qurilis materyallarinan gil ha’m qum bar. Egislik maydanlarin Begjap, M.Nurmuxammedov, Qanliko’l, Bazarbay ha’m basqa kanallar arqali suwg’ariladi. Respublika ahmiyetindegii magistrall kanallarinan Suwenli, Kindiko’zek, Qiyatjarg’an, Ajiniyaz kanallari rayon aymag’inan o’tken. Rayonda paxtashiliq, salishiliq ha’m sharwashiliq rawajlang’an. Rayon xalqi pille, miywe ha’m paliz o’nimlerin jetilistiredi. Janede bul jerde ko’p jilliq terekler, bag’lar, tutzarlar, jaylawlar bar. Rayonda tiykarinan 7 fermer xojalig’I is ju’ritedi. Rayon xalqinin’ ko’pshiligi qaramal, qoy-eshki, tawiq, jilqi, tu’ye bag’adi.