Qanshayım dástanı

«Qanshayım» dástanınınıń (atqarıwshı Qurbanbay jıraw Tájibaev) 1955-jılı Qabıl Maqsetov tárepinen jazıp alınǵan nusqası ÓzRIAQB fundamental kitapxanasınıń qoljazbalar fondında saqlanbaqta (R-106, №33706). Dástannıń usı waqıtqa shekem járiyalanıp kelingen nusqası jazıwshı Óserbay Xojaniyazov tárepinen jazıp alınǵan hám ol dáslep 1957-jılı, keyin «Qaraqalpaq folklorı» kóp tomlıģınıń 20 tomında jarıq kórgen. Qoljazbası joq. Dástannıń bul eki nusqasında azı-kem ózgeshelikler bar. Qurbanbay jıraw Tájibaevtıń dóretiwshilik dástúrleri tiykarında payda bolǵan bul dástannıń mazmunlıq, kórkemlik ózgeshelikleri folklorlıq úlgilerge tán usıllar menen bayıtılǵan.