Qarabay Ermanov

Qarabay Ermanov
Tuwılǵan sánesi	1903-jılı(1903)
Tuwılǵan jeri	Qońırat
Qaytıs bolǵan sánesi	1977-jılı(1977)
Dóretiwshilik túri	proza, dramaturgiya
Oqıǵan jeri	Shıǵıs xalıqları universiteti (Moskva)
Dóretiwshilik jılları	1920-jıllardıń aqırlarınan
Ataqları	«Qaraqalpaqstan Respublikasına miyneti sińgen mádeniyat xızmetkeri»

Qarabay Ermanov (Қарабай Ерманов; 1903-1977) — jazıwshı. «Qaraqalpaqstan Respublikasına miyneti sińgen mádeniyat xızmetkeri».

Ómir hám miynet jolı

Q. Ermanov 1903-jılı Qońıratta tuwılǵan. Eskishe sawat ashqan ol dáslep Xiywa qalasında, sońınan Moskvadaǵı Shıǵıs xalıqları universitetinde oqıp bilim aladı, 30-jılları bilimlendiriw tarawında hám nızam organlarında xızmet isledi, bir qansha jıllar dawamında Respublikalıq kitapxanada jumıs atqardı, 1961-72-jılları N. Dáwqaraev atındaǵı Tariyx, til hám ádebiyat institutında ilimiy xızmetker boladı.

Dóretiwshiligi

Prozası

Jazıwshınıń dáslepki shıǵarmaları 20-jıllardıń aqırında járiyalana basladı, sońınan onıń «Qaraqalpaq qızı» (1931), «Jaqtılıq» (1932), «Ótken waqlarda» (1933) degen pyesaları hám prozalıq shıǵarmaları basıldı.

Q. Ermanov 30-jılları proza tarawında «Ayjamal», «Balıqshılar», «Ótken waqlarda» sıyaqlı povest hám tariyxıy shejire sıpatındaǵı shıǵarmaların dóretti hám járiyaladı.

Jazıwshı sońǵı waqıtları «Balıqshılar» pyesasın, «Ótken kúnler», «Oyanıw», «Shımbay» romanların jazdı.

Poeziyası

Q. Ermanovtıń birinshi qosıqlar toplamı 1934-jılı Moskvada qaraqalpaq tilinde basıldı, sońǵı jılları onıń «Maqtanısh» (1977), «Bultlı kúnniń quyashı» (1993) degen kitapları basılıp shıqtı.

Jazıwshı «Qaraqalpaqstan Respublikasına miyneti sińgen mádeniyat xızmetkeri» húrmetli ataǵına iye boldı.

Ádebiyatlar

• Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0