Qarabek dástanı

«Qarabek» dástanı — 1960-jılı atqarıwshısı Qurbanbay Sámenbetovtan professor Qabıl Maqsetov tárepinen jazıp alınǵan. Bul xalıqlıq dóretpe ÓzR IA KB kitapxanasınıń qoljazbalar fondında saqlanbaqta (R-468, No176411). Burın baspada járiyalanbaǵan jeke alternativ dástanlardıń biri. Bul erteklik syujetlik tiykarǵı orın iyeleydi. Qaharmanlardıń arzıw-maqsetlerin ámelge asırıw jolındaǵı qıyınshılıqlarǵa tótepki beriwi tábiyiy emes kúshlerdiń járdemi menen ámelge asatuǵın ertek-dástanlar qatarınan orın aladı. Waqıyalardıń qızıqlı, ıqsham xalıq sóylew tiliniń úlgileri sheber hám orınlı paydalanılǵan.