Qarajan baqsı

Qarajan baqsı
Tuwılǵan sánesi	1884-jılı(1884)
Qaytıs bolǵan sánesi	1966-jılı(1966)
Kásibi	baqsı
Anası	Húrliman baqsı

Qarajan baqsı (1884-1966) — qaraqalpaq xalıq baqsısı, ataqlı Berdaq shayırdıń aqlıǵı. Qarajan baqsınıń ómir súrgen jeri Aral teńiziniń túslik átirapı. Qarajannıń ustazı óziniń anası — Húrliman. Qarajan qaraqalpaq duwtar namalarınıń orginal variantların duwtarda shertedi. Onıń namaların shákirti Aytjan baqsı Xojalepesov dawam etip shertip, onı notaǵa saldırıp, házirgi qaraqalpaq xalıq namaların bayıttı.

Qarajan baqsı Berdaqtıń jasaǵan zamanındaǵı xalıq namaların jaqsı shertken. Ol «Oygana», «Gúlzar», «Qızminayım» namaların shertkende qaraqalpaqlardıń basqa namalarınan ayrılıp turǵan. Ol óz repertuarında «Góruǵlı» dástanınıń túrli variantların aytqan. Ol qaraqalpaq baqsı eski zamanlardaǵı qaraqalpaq namaların házirgi zamanǵa alıp kelip notaǵa jazdırıp házirgi qaraqalpaq mádeniyatınıń ósiwine járdem etti.