Biologiya fakulteti (QMU)

Biologiya fakulteti — Berdaq atındaǵı Qaraqalpaq mámleketlik universiteti quramındaǵı fakultet.

Fakultet tariyxı

Fakultet 1943-jılı Oqıtıwshılar institutı quramında Tábiyattanıw-geografiya bólimi bolıp dúzilgen, 1948-jılı bolsa fakultet bolıp shólkemlestirilgen.

1976-jılı Nókis mámleketlik universitetiniń ashılıwı menen Ximiya-biologiya fakulteti bolıp qayta dúzilgen. 1989-jılı Biologiya hám Ximiya fakultetleri óz aldına eki fakultetke bólindi.

1993-1997-jılları Biogeografiya, 1997-2001-jılları Tábiyattanıw, 2011-2015-jılları Tábiyattanıw hám geografiya, 2015-2019-jılları Tábiyattanıw fakulteti dep atalıp keldi.

2019-jılı bul fakultet «Biologiya» hám «Geografiya hám tábiyiy resurslar» fakulteti bolıp ekige bólindi.

Fakultet dekanları

• A. Bulashev
• S.Erejepov (1960-1965)
• A.Tilewbergenov (1967-1968)
• Doc. Q.Aytbaev (1968-1986)
• Prof. Q.Óteniyazov (1986-1987)
• Prof. B.Allamuratov (1988-1994)
• P.Xalmuratov (1994-2001)
• Doc. G.Xodjaeva (2001-2005)
• Doc. R.Tilegenov (2005-2006)
• Doc. M.Ayımbetov (2006-2007)
• Doc. A.Q.Óteniyazov (2007-2008)
• Doc. B.S.Gaipov (2008-2011)
• Doc. M.Jumanov (2011-2013)
• Doc. A.T.Esimbetov (2013-2018)
• Doc., prof. Y.Ametov (2019-házir)

Kafedralar

• Ulıwma biologiya hám fiziologiya kafedrası
• Ekologiya hám topıraqtanıw kafedrası
• Dárilik ósimlikler agroekologiyası hám introdukciyası kafedrası

Xalıqaralıq birge islesiw

Fakultette xalıqaralıq birge islesiw jaqsı jolǵa qoyılǵan bolıp, Rossiya, Qazaqstan, Turkiya, Qıtay hám Evropa mámleketleri joqarı oqıw orınları menen akademiyalıq mobillik, oqıw hám ilim-izertlew jumısları boyınsha tájiriybe almasıp kelmekte. Atap aytqanda:

1. Lomonosov atındaǵı Moskva mámleketlik universiteti (Rossiya).
2. Sankt-Peterburg mámleketlik pediatriya medicina universiteti,
3. Astraxan mámleketlik universiteti (Rossiya),
4. Altay mámleketlik universiteti (Rossiya),
5. Kazan federal universiteti (Rossiya),
6. Shirshov atındaǵı Okeanologiya institutı (Rossiya),
7. Al-Farabiy atındaǵı Qazaq milliy universiteti (Qazaqstan),
8. Qazaqstan milliy agrar ilimiy izertlew universiteti (Qazaqstan),
9. Muxtar Auezov atındaǵı Qubla-Qazaqstan universiteti (Qazaqstan),
10. EGE universiteti (Turkiya),
11. Tyantszin awıl-xojalıǵı universiteti (Qıtay)
12. PORTU universiteti (Portugaliya),
13. Nitradaǵı Slovakiya awıl-xojalıq universiteti (Slovakiya),
14. BOKU universiteti (Avstriya).