Qarmıs Dosanov
| Qarmıs Dosanov | |
|---|---|
| Tuwılǵan sáne | 15-may 1922-jılı |
| Tuwılǵan jeri | Xojeli qalası |
| Qaytıs bolǵan sáne | 1990-jılı |
| Dóretiwshilik túri | poeziya, proza |
Qarmıs Dosanov (1922-1990) — shayır hám jazıwshı.
Ómir jolı
[redaktorlaw | derekti redaktorlaw]Q. Dosanov 1922-jılı 15-mayda Xojeli qalasında tuwılǵan. Usı qaladaǵı mektep-internatta oqıydı hám tárbiyalanadı. 1940-jılı Tórtkúldegi pedtexnikumdı pitkerip «Qaraqalpaqstan ádebiyatı hám iskusstvosı» jurnalında isleydi. Ol ekinshi jáhán urısı qatnasıwshısı.
Urıstan qaytqan soń rayonlıq, oblastlıq Jaslar komitetinde, «Jas Leninshi» gazetasında jumıs isledi. Tashkenttegi partiya mektebin pitkeredi (1950-1953). Moskvadaǵı joqarı ádebiy kursta oqıydı. 1957-58- jılları «Qaraqalpaqstan» baspasında kórkem ádebiyat bólimin basqaradı, 1958-63-jılları Jazıwshılar awqamında juwaplı xatker boldı. 1964-jıldan ómiriniń aqırına shekem respublikalıq televidenie hám radio esittiriw komitetinde isledi.
Dóretiwshiligi
[redaktorlaw | derekti redaktorlaw]Q. Dosanov 1955-jıldan Jazıwshılar awqamınıń aǵzası.
Q. Dosanovtıń «Qızıl bayraq» (1952), «Shayır hawazı» (1954), «Tań samalları» (1959), «Qádirli gúlzar» (1968), «Saxra sháshmeleri» (1983), «Pervaya tropinka» (1957) jıynaqları sonday-aq ózbek, tájik tillerinde toplamları basıldı.
Onıń «Azamatlar», «Qamıslıqtaǵı sawash», «Shamurat ata», «Ámiw aǵısı», «Birinshi salyut», «43-jıldıń jazı edi», «Razvedchik» degen povest hám romanları basılǵan. «Aral hawazı» pyesası teatr saxnasında qoyıldı.
Q. Dosanovtıń «Qamıslıqtaǵı sawash», «Shamurat ata» povestleri rus tilinde basılǵan. Ol jawıngerlik orden hám medallar menen sıylıqlanǵan.
«Láylim» qosıǵına nama jazılıp, Dawıtbay Qayıpov tárepinen kámine keltirilip atqarılǵan.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0