Qonısbay Kamalov
| Qonısbay Kamalov | |
|---|---|
| Қонысбай Камалов | |
| Tuwılǵan sánesi | 5-dekabr 1939-jılı |
| Tuwılǵan jeri | Shımbay rayonı |
| Qaytıs bolǵan sánesi | 2001-jılı |
| Qaytıs bolǵan jeri | Nókis |
| Puqaralıǵı |  SSRA →  Ózbekstan |
| Ilimiy tarawı | ádebiyattanıw, qaraqalpaq ádebiyatı |
| Jumıs orınları | Nókis mámleketlik pedagogikalıq institutı, «Ámiwdárya» jurnalı, Qaraqalpaq mámleketlik universiteti |
| Bilim alǵan jeri | Nókis mámleketlik pedagogikalıq institutı, Moskva mámleketlik universiteti |
| Ilimiy dárejesi | Filologiya ilimleriniń doktorı (1989) |
| Ilimiy ataǵı | professor |
| Belgili isleri | Qaraqalpaq povesti hám kórkem metod evolyuciyasın izertlew |
| Sıylıqları | Qaraqalpaqstanǵa miyneti sińgen mádeniyat ǵayratkeri, Ózbekstan bilimlendiriwine miyneti sińgen muǵallim |
Kamalov Qonısbay (Қонысбай Камалов; 1939-jıl 5-dekabr, Shımbay rayonı — 2001-jıl) — qaraqalpaq ádebiyattanıwshısı hám jazıwshısı. Filologiya ilimleriniń doktorı (1989), professor.
Ómiri
[redaktorlaw | derekti redaktorlaw]1939-jılı 5-dekabrde Shımbay rayonınıń «Taza jol» awılında tuwıldı. Shımbaydaǵı orta mektepti pitkerip, 1960-jılı Qaraqalpaq mámleketlik pedagogikalıq institutına (házirgi NMPI) oqıwǵa kirdi. 1965-jılı Tariyx-filologiya fakultetin ayrıqsha bahalar menen pitkerdi. 1968–1971-jılları M.V.Lomonosov atındaǵı Moskva mámleketlik universitetiniń aspiranturasında bilim aldı.
Iskerligi
[redaktorlaw | derekti redaktorlaw]Iskerligin NMPIdiń Qaraqalpaq ádebiyatı kafedrasında oqıtıwshı bolıp basladı. 1971–1979-jıllarda «Ámiwdárya» jurnalında bólim baslıǵı, juwaplı xatker hám bas redaktor orınbasarı boldı. 1980–1990-jılları Qaraqalpaq mámleketlik universitetinde oqıtıwshı, docent bolıp isledi. 1990-jıldan ómiriniń aqırına shekem Nókis mámleketlik pedagogikalıq institutınıń Qaraqalpaq tili hám ádebiyatı fakulteti dekanı hám kafedra baslıǵı lawazımlarında jemisli miynet etti.
Dóretiwshiligi
[redaktorlaw | derekti redaktorlaw]Ilimiy iskerligi
[redaktorlaw | derekti redaktorlaw]1976-jılı «Qaraqalpaq povesti (janrdıń evolyuciyası)» degen temada kandidatlıq dissertaciyasın jaqladı. 1989-jılı «Qaraqalpaq ádebiyatında kórkem metodtıń evolyuciyası» degen temada doktorlıq dissertaciyasın tabıslı qorǵadı. Ol qaraqalpaq prozasınıń rawajlanıw basqıshların tereń izertlegen ilimpazlardıń biri edi.
Jazıwshılıǵı
[redaktorlaw | derekti redaktorlaw]Q.Kamalov ilimpazlıq penen birge kórkem dóretiwshilik penen de shuǵullandı. Ol kóplegen gúrriń, ocherkler menen birge «Marjangúl» povestiniń avtorı. 1976-jıldan baslap Qaraqalpaqstan Jazıwshılar awqamınıń aǵzası boldı.
Sıylıqları
[redaktorlaw | derekti redaktorlaw]- «Qaraqalpaqstanǵa miyneti sińgen mádeniyat ǵayratkeri» húrmetli ataǵı;
- «Ózbekstan bilimlendiriwine miyneti sińgen muǵallim» húrmetli ataǵı;
- Qaraqalpaqstan Joqarı Keńesi Prezidiumınıń «Húrmet jarlıǵı» menen sıylıqlanǵan.
Miynetleri
[redaktorlaw | derekti redaktorlaw]- Qaraqalpaq povesti. Nókis, 1978;
- Kárwan bası. Nókis, 1979;
- Qaraqalpaq ádebiyatınıń kórkem metodı. Nókis, 1982;
- Qaraqalpaq sovet ádebiyatı. Nókis, 1984 (avtorlardıń biri);
- Qaraqalpaq ádebiyatında kórkem metodtıń evolyuciyası. Nókis, 1989.
Ádebiyatlar
[redaktorlaw | derekti redaktorlaw]- ҚАРАҚАЛПАҚ ТИЛИ ҲӘМ ӘДЕБИЯТЫ ҚӘНИГЕЛИГИНЕ 90 ЖЫЛ. НӨКИС. «BILIM». 2025.