Qubla okean
 |
| Jer okeanları |
|---|
Qubla okean — Dúnya okeanınıń (Atlantika, Hind, Tınısh okeanları) Antarktidanı qorshap turgan bóliminiń shártli atı. Dáslep gollandiyalı geograf B. Varenius 1650-jılda ǵárezsiz okean sıpatında ajıratqan. Okeannıń shegarası Qubla Amerika, Afrika, Avstraliya materikleriniń hám Tasmaniya, Jańa Zelandiya atawlarınıń qubla shetleri arqalı ótkerilgen shártli sızıq hám qubla polyus sheńber, 35 - 60° j.k. lar arqalı ótkerilgen. Antarktika atlasında Qubla okeannıń shártli shegarası etip Antarktika konvergenciya zonası (55° j.q. janında) esaplanadı. Qubla okeandı óz aldına okean etip ajıratıwda klimattıń suwıqlıǵı, gidrologiyalıq shárayatlar tiykar etip alınǵan. Biraq, keyingi izertlewler nátiyjesinde Qubla okeannıń Atlantika, Tınısh hám Hind okeanlarına tutas sektorlarında onıń klimatlıq hám gidrologiyalıq shárayatları sol okeanlardikine uqsas ekenligi belgili boldı. Teńizshilik ámeliyatında Qubla okean ataması qollanılmaydı, sebebi teńizshilikke tiyisli oqıw qollanbalarında bul túsinik ushıraspaydı[1].