Qurbanbek batır dástanı

«Qurbanbek batır» dástanı ataqlı jıraw Qıyas Qayratdinovtan 1961-jılı Q. Ábdijamilov tárepinen jazıp alınǵan. Óz gezeginde Qıyas jıraw bul dástandı 1923-jılı Dabıl jırawdan úyrenip, keyin ala tolıqtırıp jırlaǵan eken. Kólemi qoljazbada jámi 186 betten ibarat. Burın járiyalanbaǵan. Qoljazbalar fondında dástannıń Qurbanbay jıraw Tájibaev variantı da saqlanbaqta, ol «Qaraqalpaq folklorı»nıń 21-tomında járiyalanǵan. Dástan qaharmanlıq xarakterdegi mazmunǵa iye bolıp, Qurbanbektiń óz eline bolǵan sadıqlıǵın, dushpanlarǵa qarsı kórsetken mártligin súwretleydi.