Qurbanbek qaharmanlıq dástanı

"Qurbanbek" dástanınıń Qurbanbay jıraw Tájibaev variantı S.Máwlenov hám Sh.Xojaniyazov tárepinen 1938-jılı Tórtkúlde jazıp alınģan. ÓzRIAKB qoljazbalar fondında arab hám latın grafikasındaģı nusqalar saqlanbaqta (№1124 , №1122). Dástan "Qaraqalpaq folklorı" kóp tomlıģınıń 9 tomında járiyalanģan. Dástannıń Qıyas jıraw variantı da bar. Dástan qaxarmanlıq xarakterdegi mazmunģa iye bolıp, Qurbanbektiń óz eline bolģan sadıqlıģın, dushpanlarģa qarsı gúrestegi mártligin súwretleydi.