Rawaj Otarbaev

Rawaj Otarbaev
Tuwılǵan sáne	14-fevral 1980-jılı(1980-02-14) (46 jasta)
Tuwılǵan jeri	«Keńes» APJ, Shımbay rayonı
Dóretiwshilik túri	poeziya
Oqıǵan jeri	QMU (2019-2023)
Sıylıqları	«Watan pidayısı» (2025)

Rawaj Otarbaev (Раўаж Отарбаев; 1980-jıl 14-fevral, Shımbay rayonı) — qaraqalpaq shayır hám publicisti. Qaraqalpaqstan hám Ózbekstan Jazıwshılar awqamınıń aǵzası (2016).

Ómir hám miynet jolı

Rawaj Otarbaev 1980-jılı 14-fevralda Qaraqalpaqstan Respublikasınıń Shımbay rayonı «Keńes» awıl puqaralar jıyını aymaǵında tuwılǵan.

2002-jılı Shımbay pedagogika kásip-óner kollejin, 2007-jılı Mırza Ulıǵbek atındaǵı Ózbekstan Milliy Universiteti janındaǵı «Joqarǵı ádebiyat» kursın, 2023-jılı Qaraqalpaq mámleketlik universitetin jurnalistika qanigeligi boyınsha tamamlaǵan.

Iskerligi

1996-jıldan Ózbekstan Jurnalistler dóretiwshilik awqamı, 2016-jıldan Ózbekstan hám Qaraqalpaqstan Jazıwshılar awqamınıń, 2019-jıldan Ruwxıylıq hám aǵartıwshılıq orayı «Marifat» úgit-násiyatshılar jámiyetiniń aǵzası.

2019-2024-jılları Xalıq deputatları Shımbay rayonlıq Keńesi deputatı bolıp saylanǵan.

2010-jıldan házirgi kúnge shekem  Ózbekstan «Adolat» SDP Qaraqalpaqstan Respublikası Keńesi baslıǵı  orınbasarı lawazımında jumıs alıp barmaqta.

Dóretiwshiligi

2012-jılı «Jayhun jilvalari» dep atalǵan birinshi qosıqlar toplamı «Adib» baspasında ózbek tilinde,  2013-jılı «Watan mehri» atamasında ekinshi qosıqlar kitabı  «Qaraqalpaqstan» baspasında qaraqalpaq tilinde, 2022- jılı «Salmaqlı sóz aytıw baxtı» publicistikalıq kitabı «Bilim» baspasında qaraqalpaq tilinde jarıq kórgen.

Jetiskenlikleri

Bir neshshe márte Ózbekstan «Adolat» SDP Siyasiy Keńesiniń, Ózbekstan hám Qaraqalpaqstan Jazıwshılar awqamınıń, Ruwxıylıq hám aǵartıwshılıq orayı Qaraqalpaqstan Respublikası bóliminiń «Húrmet jarlıǵı» menen sıylıqlanǵan.

2016-jılı «Ózbekstan Respublikası ǵárezsizliginiń 25 jıllıǵı» estelik nıshanı, 2020-jılı «Mánáwiyat pidayısı» kókirek nıshanı, 2021-jılı  «Ózbekstan Respublikası ǵarezsizliginiń 30 jıllıǵı» nıshanı, 2025-jılı Qaraqalpaqstan Respublikası Joqarǵı Keńesi Prezidiumınıń qararı menen «Watan pidayısı» kókirek belgisi menen sıylıqlanǵan.