Raxim Májiytov
| Raxim Májiytov | |
|---|---|
| Tuwılǵan sánesi | 1903-jılı |
| Tuwılǵan jeri | Qońırat rayonı |
| Qaytıs bolǵan sánesi | 1977-jılı |
| Dóretiwshilik túri | awdarma, dramaturgiya |
| Oqıǵan jeri | Shıǵıs xalıqları universiteti (Moskva, 1923-25) |
Raxim Májiytov (1903-1977) — qaraqalpaq ádebiyatında belgili dilmash.
Ómir hám miynet jolı
[redaktorlaw | derekti redaktorlaw]Ol 1903-jılı Qońırat rayonında tuwılǵan. Ózinin miynet jolın 1921-jılı muǵallim bolıwdan basladı. 1923-25-jılları Moskvadaǵı Shıǵıs xalıqları universitetinde oqıdı. Qońıratta rayonlıq partiya komitetinde bólim baslıǵı (1925-28), Oraylıq Atqarıw komitetiniń instruktorı (1929-34), Qaraqalpaqstan Respublikası Joqarǵı sudınıń xatkeri (1935-40) bolıp isledi. Ekinshi jáhán urısına qatnasadı hám urıstan qaytqannan soń «Qızıl Qaraqalpaqstan» gazetasında isledi (1944-55). Ómiriniń sońǵı jılları Ózbekstan Telegraf Agentliginiń Qaraqalpaqstan bóliminde xızmet etti.
R. Májiytov 1935-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Dramaturgiyası
[redaktorlaw | derekti redaktorlaw]Ol kóp ǵana ocherkler, pesalar jazdı. Onıń «Qara júrekler» (soń «Tazagúl» dep ataldı) (1932-46), «Biziń ant» (1944) pyesaları teatr saxnalarında qoyıldı.
Awdarmashılıǵı
[redaktorlaw | derekti redaktorlaw]Ol B.Gorbatovtıń «Boysınbaǵanlar» (1950), Krılovtıń «Tańlamalı tımsalları» (1952), A.Gaydardıń «Timur hám onıń komandası» shıǵarmaların qaraqalpaq tiline awdarǵan.
R. Májiytov Ózbekstan hám Qaraqalpaqstan Respublikası Joqarǵı Keńesiniń Húrmet jarlıqları menen sıylıqlanǵan.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0