Raxman Aytmuratov
| Raxman Aytmuratov | |
|---|---|
| Tolıq atı | Raxman Aytmuratov |
| Tuwılǵan sánesi | 4-fevral 1945-jılı |
| Tuwılǵan jeri | Moynaq rayonı |
| Qaytıs bolǵan sánesi | 2005-jılı |
| Milleti | qaraqalpaq |
| Dóretiwshilik túri | shayır |
| Oqıǵan jeri | Tashkent Joqarǵı partiya mektebi |
| Dóretiwshilik jılları | 1962–2005-jıllar |
| Baǵdarları | poeziya |
Raxman Aytmuratov-1945-jılı 4-fevralda Moynaq rayonınıń «Qızıl jar» awılında tuwılǵan. Orta mektepti pitkergennen soń «Aral balıqshısı» gazetasında jumıs baslaydı. Qonırat rayonlıq «Jeńis bayraǵı» gazetasında ádebiy xızmetker, bólim baslıǵı,sońınan Tashkent Joqarǵı partiya mektebinde oqıp kelip, usı gazetanıń redaktorı bolıp islegen. 1986-jıldan 1997-jılǵa shekem Qońırattaǵı awıl xojalıq liceyinde muǵallim bolıp isleydi. Al, 1997-jıldan ómiriniń aqırına shekem Qaraqalpaqstan televideniesiniń Qońırat rayonı boyınsha óz xabarshısı boldı. R. Aytmuratovtıń dáslepki «Párwaz» atlı qosıǵı 1962-jılı shıqqan edi. Sonnan berli qosıqları, poemaları, gúrrińleri, ocherkleri baspasózde úzliksiz járiyalanıp keldi. «Qaraqalpaqstan» baspasınan 1993-jılı «Dúbeley», 1997-jılı «Gúbelek nege gúlge qondı?», 1997-jılı «Dáwir ruwxı» qosıqlar kitabı basılıp shıqtı. R. Aytmuratov 1998-jıldan Jazıwshılar awqamınıń aǵzası.