Sádirbay Ismaylov
| Sádirbay Ismaylov | |
|---|---|
| Сәдирбай Исмайлов | |
| Tuwılǵan sánesi | 13-iyun 1956-jılı (70 jasta) |
| Tuwılǵan jeri | Qaraózek rayonı |
| Puqaralıǵı |  SSRA →  Ózbekstan |
| Milleti | qaraqalpaq |
| Dóretiwshilik túri | fantast-jazıwshı, jurnalist |
| Dóretiwshilik jılları | 1972-jıldan |
| Janrı | ilimiy fantastika, gúrriń, povest, roman |
| Shıǵarmalarınıń tili | qaraqalpaqsha |
| Sıylıqları | Qaraqalpaqstan Jaslar sıylıǵınıń laureatı |
Sádirbay Ismaylov (Сәдирбай Исмайлов; 1956-jıl 13-iyun, Qaraózek rayonı) — qaraqalpaq ádebiyatınıń belgili wákili, qaraqalpaq fantastika janrınıń tiykarın salıwshılarınıń biri.
Ómiri hám iskerligi
[redaktorlaw | derekti redaktorlaw]Sádirbay Ismaylov 1956-jılı 13-iyunda Qaraózek rayonınıń Qaraózek xojalıǵında tuwılǵan. 1972-jılı orta mektepti pitkerip, miynet jolın rayonlıq gazeta redakciyasında basladı.
Ol óziniń iskerligi dáwirinde bir qatar baspasóz hám jámiyetlik shólkemlerde xızmet etti:
- 1972–1982-jılları: «Jetkinshek» gazetasında ádebiy xızmetker;
- 1982–1984-jılları: Qaraózek rayonlıq «Miynet bayraǵı» gazetasında bólim baslıǵı;
- 1984–1990-jılları: «Jas Leninshi» (házirgi «Jaslar dawısı») gazetasında ádebiy xızmetker;
- 1990–1992-jılları: «Ámiwdárya» jurnalında proza bóliminiń redaktorı.
Sonday-aq, ol Qaraqalpaqstan Jazıwshılar awqamında juwaplı xatker lawazımında da jemisli miynet etti. 1992-jıldan baslap Qaraqalpaqstan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]S. Ismaylov qaraqalpaq ádebiyatında ilimiy fantastika janrın rawajlandırıwǵa úlken úles qostı. Onıń shıǵarmaları oqırmandı keleshek, kosmos hám insan psixologiyasınıń fantastikalıq imkaniyatları haqqında oylanıwǵa shaqıradı.
Jazıwshınıń basıp shıǵarılǵan fantastikalıq kitapları:
- «Paraxatshılıq máńgilik» (1986) — gúrrińler hám povestler toplamı;
- «Júrek galaktikası» (1991) — fantastikalıq gúrriń, povest hám romanlar.
Ol 1986-jılı Tashkentte ótkerilgen Ózbekstan jas jazıwshıları seminar-keńesiniń hám Latviyada ótkerilgen pútkil awqamlıq jas fantast-jazıwshılardıń seminarınıń belsendi qatnasıwshısı boldı.
Sıylıqları
[redaktorlaw | derekti redaktorlaw]- 1991 — Qaraqalpaqstan Jaslar sıylıǵınıń laureatı;
- 1993 — Qaraqalpaqstan Respublikası Joqarǵı Keńesiniń «Húrmet jarlıǵı» menen sıylıqlanǵan.
Qosımsha qarań
[redaktorlaw | derekti redaktorlaw]Derekler
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0