Sársen Qazaqbaev
| Sársen Qazaqbaev | |
|---|---|
| Сәрсен Сейлбекович Қазақбаев | |
| Tuwılǵan sánesi | 14-may 1958-jılı (68 jasta) |
| Tuwılǵan jeri | Nókis |
| Puqaralıǵı |  Ózbekstan |
| Ilimiy tarawı | filologiya, ádebiyattanıw, balalar ádebiyatı, folklor |
| Jumıs orınları | Nókis mámleketlik pedagogikalıq institutı |
| Bilim alǵan jeri | Qaraqalpaq mámleketlik universiteti (burınǵı NMU) |
| Ilimiy dárejesi | Filologiya ilimleriniń doktorı (DSc, 2019) |
| Ilimiy ataǵı | Docent (2012) |
| Belgili isleri | Qaraqalpaq salt-dástúr jırları hám balalar ádebiyatı evolyuciyasın izertlew |
Qazaqbaev Sársen Seylbekovich (Сәрсен Қазақбаев; 1958-jıl 14-may, Nókis) — qaraqalpaq ádebiyattanıwshı alımı, filolog. Filologiya ilimleriniń doktorı (DSc).
Ómiri
[redaktorlaw | derekti redaktorlaw]1958-jılı 14-mayda Nókis qalasında tuwıldı. 1980-jılı Nókis mámleketlik universitetiniń filologiya fakultetiniń qaraqalpaq tili hám ádebiyatı qánigeligine (sırtqı bólim) oqıwǵa kirdi hám onı 1986-jılı tamamladı.
Iskerligi
[redaktorlaw | derekti redaktorlaw]Jumıs iskerligin 1979-jılı «Qaraqalpaqstan» baspasınıń ónim shıǵarıwshı bóliminde injener sıpatında basladı. Keyinirek Mámleketlik awıl xojalıǵın texnika menen táminlew komitetinde injener bolıp isledi.
1986-jılı Nókis qalasındaǵı 19-sanlı mektepte oqıtıwshı, 1987–1991-jılları Nókis pedagogikalıq uchilishesinde qaraqalpaq tili hám ádebiyatı oqıtıwshısı boldı. 1991-jıldan baslap házirgi waqıttaǵı Nókis mámleketlik pedagogikalıq institutında jumıs islep kelmekte.
Dóretiwshiligi
[redaktorlaw | derekti redaktorlaw]S.Qazaqbaev qaraqalpaq folklorı, ásirese salt-dástúr jırları hám balalar ádebiyatı boyınsha qániygelengen ilimpaz.
- 2001-jılı «Qaraqalpaq salt-dástúr jırları» degen temada filologiya ilimleriniń kandidatı dissertaciyasın jaqladı.
- 2019-jılı «XX ásirdiń aqırı XXI ásirdiń basındaǵı qaraqalpaq balalar ádebiyatınıń evolyuciyası, janrlıq ózgesheligi hám poetikası» degen temada doktorlıq (DSc) dissertaciyasın tabıslı qorǵadı.
2012-jılı oǵan docent ilimiy ataǵı berilgen.
Miynetleri
[redaktorlaw | derekti redaktorlaw]- Qaraqalpaq salt-dástúr jırları. Monografiya. Nókis, 2024;
- Balalar ádebiyatınıń tipologiyası. Sabaqlıq. Nókis, 2025.
Ádebiyatlar
[redaktorlaw | derekti redaktorlaw]- ҚАРАҚАЛПАҚ ТИЛИ ҲӘМ ӘДЕБИЯТЫ ҚӘНИГЕЛИГИНЕ 90 ЖЫЛ. НӨКИС. «BILIM». 2025.