Súnnetlew

Sùnnetletiw. Sùnnetke otırǵızıw VII-V|I àsirlerde Arab ellerinen shıǵıp pu’tkil musılman jurtına taraǵan. Sùnnetletiw musılmanlardıń belgisi bolıp sanalǵan. Er balanı sùnnetlew 5,7 yamasa 9 jasında bolǵan.Balanı qansha tez sùnnetke otırǵızsa sonsha awırsınbay tez jazılıp ketetuǵın bolg’an. Sùnnetletiw kòbinese jazda yamasa gùz aylarında balanıń denesine ta’sir etpesin degen uǵım menen islengen. Sùnnetletiw ushın balanı sheshindirip, àkesi yamasa aǵaları qol-ayaǵın qattı uslap,shash tàrezi sùnnetleytuǵın bolǵan.Bir eki, ùsh, tòrt, bes Tàshibay ushın kes dep aylandırıp otırıp, o’tkir pıshaq penen terini kesip alıp, qandı toqtatıw ushın tànge kùl saladı,qurım kiyizdi otqa kùydirip sonıń kùlin basadı. Shash tàrezshige balanı sùnnetke otırǵızǵanı ushın qoy, eshki yamasa kòylek, kostyum-shalbar, aqsha beredi. Sùnnet toyı kùni aǵayın tuwısqanları, qońsı-qobaları, dos-yaranları súnnetke otırǵan balaǵa kewlinen shıqqan zatların beredi .Mısalı ha’r qıylı oyınshıqlar, kòylek bergen. Sùnnetke otırǵızıw birinshiden musılmanshılıqtıń belgisi bolsa, ekinshiden balanıń er jetkenliginiń gúwası bolǵan.