Saǵın Ziyawov
| Saǵın Ziyawov | |
|---|---|
| Tuwılǵan sáne | 1941-jılı |
| Tuwılǵan jeri | Aqdárya awılı, Moynaq rayonı |
| Qaytıs bolǵan sáne | 2007-jılı |
| Dóretiwshilik túri | poeziya |
| Oqıǵan jeri | Nókis mámleketlik pedagogikalıq institutı (1962-68) |
| Shıǵarmalarınıń tili | qaraqalpaq tili |
| Ataqları | «Qaraqalpaqstan Respublikasına miyneti sińgen mádeniyat xızmetkeri» |
Saǵın Ziyawov (Сағын Зияов; 1941-2007) — shayır hám jurnalist.
Ómiri hám miynet jolı
[redaktorlaw | derekti redaktorlaw]S.Ziyawov 1941-jılı Moynaq rayonınıń «Aq dárya» awılında tuwıldı. 1962-1968-jılları Nókis mámleketlik pedagogikalıq institutınıń qaraqalpaq tili hám ádebiyatı fakultetinde oqıdı.
Miynet jolın 1959-1965-jıllar aralıǵında Moynaq PMK sında ekskavator mashinisti, ekskavatorshılar brigadiri bolıp islewden baslaǵan. 1965-1966-jılları rayondaǵı mekteplerde muǵallim, 1966-1971-jıllarda rayonlıq «Aral balıqshısı» gazetasında bólim baslıǵı, redaktor, 1978-1985-jılları gazetanıń juwaplı redaktorı boldı.
Sońınan ómiriniń aqırına shekem Qaraqalpaqstan teleradiokompaniyasınıń Moynaq rayonı boyınsha óz xabarshısı bolıp isledi.
S.Ziyawov 1995-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Onın «Meniń ákem balıqshı» (1970), «Terbeler tolqın» (1973), «Teńizde» (1977), «Shaǵala» (1984), «Aral azamatı» (1988), «Aydın» (1992), «Aralımnan ayırma» (1996) poeziyalıq kitapları, 1980-jılı ózbek tilinde «To'qqiz to'rg'ay» atamasında (1980) birliktegi ádebiy almanaxta qosıqları, 2002-jılı «Araldı jaǵalaǵan qara bala» hújjetli povesti baspadan shıqtı.
Jámiyetlik iskerligi
[redaktorlaw | derekti redaktorlaw]Ol bir neshe márte Moynaq rayonlıq keńesine deputat bolıp saylandı. Oǵan «Qaraqalpaqstan Respublikasına miyneti sińgen mádeniyat xızmetkeri» húrmetli ataǵı berildi.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0