Saǵındıq Embergenov

Saǵındıq Embergenov
Tuwılǵan sáne	27-dekabr 1952-jılı(1952-12-27) (73 jasta)
Tuwılǵan jeri	Xalqabad elatı, Kegeyli rayonı
Dóretiwshilik túri	poeziya
Oqıǵan jeri	Ájiniyaz atındaǵı Nókis mámleketlik pedagogikalıq institutı

Saǵındıq Embergenov (1952-jıl 27-dekabr) — shayır hám jurnalist.

Ómir hám miynet jolı

S. Embergenov 1952-jılı 27-dekabrde Kegeyli rayonınıń Xalqabad aymaǵında tuwılǵan.

1961-jılı mektepti pitkergennen son, Ájiniyaz atındaǵı Nókis mámleketlik pedagogikalıq instituttıń filologiya fakultetiniń qaraqalpaq tili hám ádebiyatı bólimin tamamlaǵan.

Xızmet jolın Qaraqalpaqstan televideniesinde redaktor bolıp jumıs islewden baslaǵan.

1989-1994-jılları «Jetkinshek», «Erkin Qaraqalpaqstan», «Qaraqalpaqstan jasları» gazetalarında juwaplı xatker hám redaktordıń orınbasarı bolıp islese, 1994-jıldan Qaraqalpaqstan televideniesinde bas redaktor wazıypasında islep atır.

S.Embergenov 2006-jıldan Jazıwshılar awqamınıń aǵzası.

Dóretiwshiligi

«Izleymen» (1984), «Ápende bala» (1986), «Bir atanıń ulları» (1988), «Atamnıń aytqanları» (2003) atlı qosıqlar toplamları óz aldına kitap bolıp shıqtı.

Sonday-aq Qaraqalpaqstan kinostudiyasında «Qara lalalar» (Chernıe tyulpanı) atlı hújjetli filmi hám Qaraqalpaqstan televideniesinde 2004-jılı eki serialı «Órmekshi» videofilmi, 2009-jılı «Awıldan kóshpeytuǵın boldıq» atlı videofilmleri tamashagóyler tárepinen jaqsı kútip alındı.

Nama jazılǵan qosıqları

Baxadır Razımbetovtıń atqarıwındaǵı «Sulıwdı saǵınıp», «Seniń kózleriń» qosıqlarınıń avtorı.

Ádebiyatlar

• Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0