Salıy Sadıqov
| Salıy Sadıqov | |
|---|---|
| Tuwılǵan sánesi | 15-mart 1941-jılı (84 jasta) |
| Tuwılǵan jeri | Qaraózek rayonı |
| Kásibi | jazıwshı, awdarmashı, filosof ilimpaz, jurnalist |
| Oqıǵan jeri | Tashkent mámleketlik universiteti |
Salıy Sadıqov (Салый Садықов; 1941, Qaraózek rayonı) — jazıwshı hám jurnalist.
Ómir hám miynet jolı
[redaktorlaw | derekti redaktorlaw]S. Sadıqov 1941-jılı 15-martta Qaraózek rayonında tuwılǵan. Ol orta mektepti tamamlaǵannan keyin Tashkent mámleketlik universitetiniń jurnalistika fakultetine oqıwǵa kiredi. Miynet jolın «Qaraqalpaqstan» baspasında redaktor bolıp islewden baslaydı (1963), sońınan N. Dáwqaraev atındaǵı Tariyx, til hám ádebiyat institutında aǵa ilimiy xızmetker, Qaraqalpaqstan oblastlıq partiya komitetinde lektor, Nókis mámleketlik universitetinde filosofiya kafedrasında docent, 1991-jıldan baslap Ájiniyaz atındaǵı Qaraqalpaq mámleketlik pedinstitutınıń tárbiya isleri boyınsha prorektorı, oqıtıwshısı lawazımında isledi.
S. Sadıqov 1984-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Ilimiy dóretiwshiligi
[redaktorlaw | derekti redaktorlaw]S. Sadıqov 1974-jılı filosofiya ilimleri boyınsha kandidatlıq dissertaciyasın jaqlaǵan.
Ádebiy dóretiwshiligi
[redaktorlaw | derekti redaktorlaw]S.Sadıqovtıń 1964-jılı «Kastryul», 1979-jılı «Búlbiller», 1986-jılı «Quwanısh» dep atalǵan prozalıq kitapları hám bir neshe ocherkleri, publicistikaları jarıq kórgen.
Awdarmashılıǵı
[redaktorlaw | derekti redaktorlaw]Ol L. Tolstoy, S. Axmad, Sh. Xalmurzaev hám taǵı basqa jazıwshılardıń shıǵarmaların qaraqalpaq tiline awdarǵan.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялық мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0