Sháryar dástanı

«Sháryar» dástanınıń Jumabay Bazarov variantın 1980-jılı Qırıqbay Bayniyazov jazıp alǵan. Ulıwma kólemi 507 betten ibarat dástan qoljazbası ÓzRIAQQB fundamental kitapxanasınıń qoljazbalar fondında (R-373 inventar №127575) saqlanbaqta.

Jumabay Bazarov jırlaǵan «Sháryar» dástanınıń usı variantı burın járiyalanbaǵan, onıń kórkemlik dárejesi júdá joqarı, ideyalıq mazmunı tolıq saqlanıp jazılǵan. Bunnan basqa Jumabay Bazarovtıń jırlaǵan «Sháryar» dástanınıń audiokassetaǵa jazılǵan variantı ÓzRIAQQB N.Dáwqaraev atındaǵı til hám ádebiyat institutınıń muzikalıq laboratoriyasında saqlawlı.

Dástanlardı baspaǵa tayarlawda Ózbekstan Respublikası Ilimler akademiyası N.Dáwqaraev atındaǵı til hám ádebiyat institútınıń ilimiy xızmetkerleri: filologiya ilimleriniń doktorı Q.Bayniyazov, filologiya ilimleriniń kandidatları J.Xoshniyazov, A.Alniyazov, ilimiy xızmetkerler Yu.Baysaǵatov, T.Qanaatov, aspirant G.Sayımova, kompyuter operatorları B.Seytbekova, Sháryar dástanı A.Purxanovalar qatnastı.