Sharapatdin Ayapov

Sharapatdin Ayapov
Tuwılǵan sáne	1954-jılı(1954)
Tuwılǵan jeri	Shaxaman awılı, Shımbay rayonı
Dóretiwshilik túri	poeziya
Oqıǵan jeri	Tashkent mámleketlik universteti
Sıylıqları	Qaraqalpaqstan Jaslar awqamı sıylıǵı

Sharapatdin Ayapov (Шарапатдин Аяпов, 1954) — shayır.

Ómirbayanı

Sh. Ayapov 1954-jılı Shımbay rayonınıń Shaxaman awılında tuwılǵan.

Ol 1971-jılı orta mektepti tamamlaydı, 1980-jılı Tashkent mámleketlik universitetiniń jurnalistika fakultetin sırttan oqıp pitkeredi, soń bir qansha jıllar dawamında Qaraqalpaqstan televideniesi hám radio esittiriwleri komitetinde isledi, Nókis mámleketlik universitetinde jurnalistika qánigeligi boyınsha oqıtıwshı (1983-1984) bolıp isledi.

«Qaraqalpaqstan» baspasında redaktor, bas redaktor lawazımların atqaradı. Házirgi waqıtda Ájiniyaz atındaǵı Nókis mámleketlik pedagogikalıq institutında mádeniyattanıw kafedrasında oqıtıwshı bolıp isleydi.

Sh.Ayapov 1988-jıldan Jazıwshılar awqamınıń aǵzası.

Dóretiwshiligi

Sh.Ayapovtıń «Qus jolı» (1986), «Jaslıqtıń hár demi» (1988), «Lirika» (1990) atlı toplamları baspadan shıqtı.

Awdarmashılıǵı

Ol Nawayınıń, Abaydıń shıǵarmaların qaraqalpaq tiline awdarǵan.

Sh.Ayapov Qaraqalpaqstan Jaslar awqamı sıylıǵınıń laureatı.

Ádebiyatlar

• Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0