Shiyrin-Sheker dástanı

«Shiyrin-Sheker» dástanın qaraqalpaq xalıq jırawı Qurbanbay Tájibaevdan Sádirbay Máwlenov, Shámshed Xojaniyazovlar 1939-jılı jazıp alǵan. Kólemi 3000 ǵa jaqın qosıq qatarları hám qara sózlerdi quraydı. Usı jırawdan Feruza Sultanova jazıp alǵan bir variyantı ÓzR IA Nawayı atındaǵı til hám ádebiyat universitetinıń ózbek folklorı bóliminiń qol jazbalar fondında saqlanadı. Dástan 1987-jılı qaraqalpaq folklorı kóp tomlıǵınıń XVII tomında járiyalanǵan. Mazmunı boyınsha turmıslıq waqıyalardı bayanlawshı xarakterge iye. Bir qatar mifologiyalıq túsinikler de dástanıń mazmunın bayıtıwǵa xızmet etedi.