Sultamurat Allayarov

Sultamurat Allayarov
Tolıq atı	Sultamurat Allayarov
Tuwılǵan sánesi	1936-jılı(1936)
Tuwılǵan jeri	Kegeyli rayonı, Xalqabad awılı,
Qaytıs bolǵan sánesi	1996-jılı(1996)
Milleti	qaraqalpaq
Dóretiwshilik túri	jazıwshı
Oqıǵan jeri	Qaraqalpaq mámleketlik pedagogika institutı
Sıylıqları	Ózbekstan Respublikası Beruniy atındaǵı mámleketlik sıylıǵınıń laureatı

Sultamurat Allayarov— sınshı hám ádebiyat izertlewshisi. Ol 1936-jılı Kegeyli rayonınıń Xalqabad awılında tuwılǵan. Orta mektepti tamamlaǵannan soń, 1959-jılı Qaraqalpaq mámleketlik pedagogikalıq institutınıń rus tili hám ádebiyatı bólimin pitkerdi. 1980-jılǵa shekem N.Dáwqaraev atındaǵı Til hám ádebiyat institutında ilimiy xızmetker lawazımında isledi. S. Allayarov 1966-1969-jıllar aralıǵında aspiranturada oqıdı, 1971-jılı «Mırzaǵaliy Dáribaevtıń dóretiwshilik jolı» degen temada kandidatlıq dissertaniyasın jaqladı. 1980-jıldan baslap ol Nókis mámleketlik universitetinde aǵa oqıtıwshı, 1990-jıldan Nókis mámleketlik pedagogiqalıq institutında kafedra baslıǵı lawazımında isledi. Onıń dáslepki ilimiy sın maqalaları 60-jıllardıń baslarında jarıq kórdi. S. Allayarovtıń «Mırzaǵaliy Dáribaevtıń tvorchestvosı» atlı monografiyası 1978-jılı baspadan shıqtı. Ol «Qaraqalpaq sovet ádebiyatı tariyxınıń ocherkleri» (1968) hám «Istoriya Qaraqalpaqskoy sovetskoy literaturı» (1981) sıyaqlı kitaplardıń avtorlarınıń biri. S. Allayarov Ózbekstan Respublikası Beruniy atındaǵı mámleketlik sıylıǵınıń laureatı. Ol 1979-jıldan Jazıwshılar awqamınıń aǵzası. Kategorıya:Beruniy atındaǵı mámleketlik sıylıqtıń laureatları