Tabısqan Qanaatov

Qanaatov Tabısqan Elsúyer ulı
Tuwılǵan sánesi	23-may 1972-jılı(1972-05-23) (53 jasta)
Tuwılǵan jeri	Shiyeli, Tamdı rayonı, Buxara wálayatı
Kásibi	ádebiyattanıwshı, folklorist, folklor jıynawshısı
Oqıǵan jeri	Nókis mámleketlik universiteti (1990-95)
Iskerlik jılları	1990-jıllardan házirge shekem
Sıylıqları	«2001-jıl ziyalısı» (2001, Kembridj Biografiyalıq Orayı)
Ataqları	«Qaraqalpaqstan xalıq bilimlendiriw aǵlası» (2001)

Tabısqan Qanaatov (1972-jıl 23-may) — ádebiyat hám til izertlewshisi, folklortanıwshı, folklorlıq shıǵarmalardı jıynawshı. Baspasóz betlerinde Seydin Ámirlan atı menen belgili.

Ómir hám miynet jolı

Seydin Ámirlan 1972-jılı 23-mayda Buxara wálayatı Tamdı rayonınıń Shiyeli mákanında tuwılǵan. 1988-jılı Aqqabaq awılındaǵı 11-sanlı Berdaq atındaǵı orta mektepti pitkerip, sol jılı Sankt-Peterburg qalasındaǵı 101-sanlı kásip-texnikalıq bilim jurtında tálim aladı.

1990-95-jılları Nókis mámleketlik universitetiniń filologiya fakultetin oqıp pitkergennen soń, miynet jolın ózi bilim alǵan universitettiń filologiya fakultetinde oqıtıwshı bolıp islewden baslaydı hám sol jerde aspirantura kursın oqıp tamamlaydı. Házirgi waqıtta N. Dáwqaraev atındaǵı Til hám ádebiyat institutında ilimiy xızmetker bolıp isleydi.

Ol 1997-jıldan Jazıwshılar hám Jurnalistler awqamınıń, 1998-jıldan Ózbekstan Maǵrıypetshiler jámiyetiniń, 1999-jıldan Xalıqaralıq Jaslar Palatasınıń, 2000-jıldanXalıqaralıq «Oraylıq Aziya xalıqları mádeniyatı Assambleyası» jámiyetlik háreketiniń Basqarma aǵzası.

• 2008-jıldan Xalıqaralıq Qıpshaqtanıw institutınıń Orta Aziya boyınsha wákili;
• 2008-jıldan Xalıqaralıq «ABAY» klubınıń Qaraqalpaqstan Respublikası boyınsha wákili;
• 2010-jıldan Xalıqaralıq «Mádiyar-Turan» birlespesiniń Qaraqalpaqstan Respublikasındaǵı wákili;
• 2013-jıldan Xalıqaralıq Áyyemgi dúnya Ilimiy Akademiyasınıń doktorı;
• 2017-jıldan Xalıqaralıq «Er Edige» jámiyetlik qorınıń Qaraqalpaqstan Respublikası boyınsha arnawlı wákili;
• 2019-jıldan Qallı Ayımbetov atındaǵı «Xalıq danalıǵı» folklor klubınıń shólkemlestiriwshisi hám jetekshisi;
• 2019-jıldan «Qaraqalpaq tili» interklubınıń shólkemlestiriwshisi hám jetekshisi;
• 2020-jıldan «Shejire» orayınıń shólkemlestiriwshisi hám jetekshisi;
• 2020-jıldan «Jas dóretiwshiler hám úlketanıwshılar» klubınıń shólkemlestiriwshisi hám jetekshisi;
• 2021-jıldan «Qálemger» dógereginiń shólkemlestiriwshisi hám jetekshisi.

Dóretiwshiligi

S. Ámirlan studentlik waqtınan baslap-aq óz izertlewin baslaǵan. Onıń «Táwelibay tariyxınan tamtum sır» (1993).

Sonday-aq, tariyxıy tulǵa Buqısh biy haqqında «Dala dilwarı» (1997) kitabı hám ózi toplaǵan materialları tiykarında «Qaraqalpaq xalıq ápsanaları» (2000), «Móldir bulaq» (2003), «Aynanayın» (2020) atamasındaǵı kitapshaları basılıp shıqtı.

Miynetleri qaraqalpaq, ózbek, qazaq, ázerbayjan, túrk, túrkmen, tatar, orıs, inglis, nemec, venger, francuz tillerinde járiyalanǵan.

Jetiskenlikleri

«Jas ilimpaz» tańlawınıń jeńimpazı (1992), «Studentler báhári – 1993» jaslar festivalınıń qatnasıwshısı hám ilimiy bayanatlar boyınsha 1-orın jeńimpazı (1993), «Zámin sabaqları» seminarınıń qatnasıwshısı hám proza janrı boyınsha 1-orın jeńimpazı (1998) boldı.

S.Ámirlan Ullı Britaniyadaǵı Kembridj Biografiyalıq Orayı tárepinen «2001-jıl ziyalısı» hám 2001-jıl «Qaraqalpaqstan xalıq bilimlendiriw aǵlası» degen húrmetli ataqlarǵa miyasar boldı.

2020-jılı publicistika janrı boyınsha «Jıldıń belsendi qálem iyesi» bolǵan.

Ádebiyatlar

• Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0