Tajixal Qudaybergenova

Tajixal Qudaybergenova
Qaytıs bolǵan sánesi	23-fevral 2026-jılı(2026-02-23)
Ilimiy tarawı	pedagogika
Jumıs orınları	Ájiniyaz atındaǵı Nókis mámleketlik pedagogikalıq institutı
Ilimiy dárejesi	pedagogika ilimleriniń kandidatı
Ilimiy ataǵı	professor
Sıylıqları	«Qaraqalpaqstan Respublikası xalıq bilimlendiriw aǵlası» (2014)

Tajixal Qudaybergenova (Тажихал Қудайбергенова; ? — 2026-jıl 23-fevral) — pedagogika ilimleriniń kandidatı, professor.

Ómirbayanı

Tajixal Qudaybergenova óz miynet jolın 1984-jılı mektepte baslawısh klass muǵallimi sıpatında baslaǵan.

1999-jıldan baslap ómiriniń aqırına shekem Ájiniyaz atındaǵı Nókis mámleketlik pedagogikalıq institutında assistent, úlken oqıtıwshı, docent, professor sıyaqlı lawazımlarda jumıs isledi.

Ilim jolı

2005-jılı pedagogika ilimleri boyınsha kandidatlıq dissertaciyasın tabıslı qorǵadı.

2005-jıldan baslap milliy ideya, ruwxıylıq tiykarları hám huqıq tálimi bakalavr tálim baǵdarı, sonday-aq, social-gumanitar pánlerdi oqıtıw metodikası (ruwxıylıq tiykarları) magistratura qánigeligi boyınsha kadrlar tayarlaw jumıslarına elewli úles qostı hám bul tarawda 160 tan aslam pitkeriw qánigelik jumısına, 10 magistrlik dissertaciyasına ilimiy basshılıq etti.

Pedagogika ilimleri boyınsha 2 filosofiya doktorına (PhD) ilimiy basshılıq etken. Onıń ilimiy basshılıǵında 3 doktorant dissertaciya jumısları ústinde izleniwler alıp barmaqta.

Ol huqıqıy tálim-tárbiya tarawına baylanıslı 70 ten aslam maqala, bir monografiya, 10 metodikalıq qollanba, 5 oqıw qollanbası hám 3 sabaqlıq sıyaqlı ilimiy miynetlerge avtorlıq etti.

Jetiskenlikleri

Tálim-tárbiya tarawındaǵı jetiskenlikleri ushın 2014-jılı «Qaraqalpaqstan Respublikası xalıq bilimlendiriw aǵlası» kókirek belgisi menen sıylıqlandı.