Talqılaw:Komanda hám soraw juwapkershiligin bóliw

Komanda hám soraw juwapkershiligin bóliw

Assalawma áleykum! "Komanda" sózin "topar" dep qollanıw orınlıraq dep oylayman. Rabiga Shabatova (talqılaw) 01:04, 2025 j. marttıń 18 (UTC)

Assalawma aleykum. Bul texnikalıq IT termin sóz retinde qollanılıp atır. Eger Komanda sózi Topar retinde qollanılsa, kontent óz mánisin joytadı, óytkeni Command -> sózi ádette Buyrıq sózi mánisinde keledi. Topar ol Group. Bekan88 (talqılaw) 02:29, 2025 j. marttıń 18 (UTC)

Keyininen taǵı aytarım, qaraqalpaq tilinde snoska noqat . tan keyin qoyıladı. Isenbeseńiz, qaraqalpaqsha ilimiy jurnallardı maqalalardı oqıwıńızdı másláhát etemen. Sol ushın redaktorlap ózgertpey-aq qoyıń, meniń jazǵanımdı. Bekan88 (talqılaw) 02:32, 2025 j. marttıń 18 (UTC)

Assalawma áleykum @Bekan88!

Talqılaw ashıp, sózlerdiń durıs qollanılıw máselesin telegram toparlarda emes, bálkim Wikipedia talqılawında qollanıp atırǵanıńızdı qattıǵa húrmet etemen! Hám «komanda» sózi shını menen qaraqalpaqshada da «komanda» retinde qollanıladı. Biraq, snoska, paydalanıwshı @Rabiga Shabatova tuwrılap atırǵanınday, noqattan aldın qoyıladı. Házirgi waqıtta tolıq qaraqalpaqsha Wikipedia qaǵıydası islep shıǵılmaǵanlıǵı sebepli, bul boyınsha máselelerde biz eń jaqın til Wikipediası sanalǵan ózbekshe Wikipedia qaǵıydalarına ámel etemiz. Isenbeseńiz, qaraqalpaqsha ilimiy jurnallardı maqalalardı oqıwıńızdı másláhát etemen umıtpańız, ilimiy jurnallardaǵı maqalalar basqa, al Wikipediadaǵı enciklopediyalıq maqalalar basqa usılda jazıladı. Qosımshasına, hár til Wikipediası ózleriniń jeke jazılıw qaǵıydaların (álbette basqa paydalanıwshılardıń razılıǵı menen) islep shıǵıwǵa haqlı. Jaǵımlı redaktorlawlar tilegen halda húrmet penen, Inosham (talqılaw) 12:48, 2025 j. marttıń 18 (UTC)

Assalawma áleykum, raxmet, juwabıńız ushın. Usı snoska máselesin talqılawǵa qoyıp berseńiz, yamasa talqılaw ushın maǵan silteme jiberseńiz. Sebebi Qaraqalpaq tilinde hár qanday maqala snoska noqattan keyin qoyıladı. Shet tillerinde de sonday. Hár tildiń stilistikalıq ózgesheligi bar. Ol meniń shıǵarıp qoyǵan usılım emes. Snoska máselesin talqılaw bólimine qoysaq maqsetke bolar edi. Bekan88 (talqılaw) 17:29, 2025 j. marttıń 18 (UTC)

Assalawma áleykum! Túsinikli, men qáte túsinippen. Biraq, házirgi waqıtta snoska qoyıwda ózimizge qońsılas bolǵan, jaqın til ózbekshe Wikipediadaǵı qaǵıydalarǵa tiykarlanıp qoyılıp atır. Wikipediada enciklopediyalıq maqalalar orın aladı (ilimiy jurnallardaǵı maqalalardan parıqlı túrde). Bul boyınsha talqılaw betin ashıp, talqılawǵa qoyıwımız múmkin. Biraq, bizde talqılawǵa pikir bildiretuǵın belsendi paydalanıwshılar sanı júdá az. Rabiga Shabatova (talqılaw) 00:55, 2025 j. marttıń 25 (UTC)

Assalawma áleykum. Raxmet, aldaǵı jumıslarıńızda tasqın tabıslar tileymen. Bekan88 (talqılaw) 20:07, 2025 j. marttıń 25 (UTC)