Tarkan

Ulıwma maǵlıwmatlar
Tuwılǵan sáne	17-oktyabr 1972 (53 jasta)
Janr	Pop muzika, folk pop
Sayt	www.tarkan.com

Biografiya

Tarkan (Husamettin) Tevet ulı 1972-jılı 17-oktyabrde Germaniyanıń Mayn dáryası boyında jaylasqan Frankfurttaǵı onsha úlken bolmaǵan Elzee qalasında tuwılǵan. Ákesi túrkmen. Boyı 1,74 sm. Awırlıǵı 70 kg. Shańaraǵı ata-anası, eki aǵası hám eki apası hám qarındasınan ibarat. Musılman. Stambul, Dubay hám qalalarında bolıw oǵan júdá unaydı. Qosıqshılardan Madonna, Jeyms Braun, Stivi Uander, Prins, Eminemlerdi zawıq penen tıńlaydı. Sonday-aq, azanda Mocarttı, al túslik waqtında Metallikanı tıńlap awqatlanıwdı jaqsı kóredi. Al Pachino, Bred Pitt, Nikol Kidmanlar qatnasqan filmlerdi baqlap baradı.

Iskerligi

1991-1999

Tarkan Istanbul Studiyasınıń iyesi Mexmet Sagutoglu menen, dostı Alpay Aydın arqalı tanıstı. Istanbul Studiyasında 1992-jılı birinshi albomı «Yine sensiz» (jáne sensiz) di shıǵardı. Bul albomnan «Kil boldım abi» qosıǵı qısqa waqıt ishinde tıńlawshılar arasında júdá belgili boldı. Bul qosıq arqalı Túrkiya Tarkandı tanıdı. 1994-jılı Sezen Aksu menen birgelikte «A-Acayipsin» (ájayıpsań) albomın shıǵardı. Bul albom ımenen Turkiya hám Evropada 24 koncert bergen. Bul albomı 2,5 millionnan artıq satılǵan.

Keyinirek til úyreniw maqsetinde Tarkan Nyu-Yorkka ketti. Ol jerde belgili amerikalı prodyuser Ahmet Ertegun menen tanıstı hám Atlantic Recordsta jańa jumıslar jarattı. 1995-jılı Nyu-York – Palladiumda bolıp ótken koncerti júdá úlken tabıslar alıp keldi. 1997-jıl iyul ayında 3-albomı «Olorum Sana» nı shıǵardı. Ol albom eń kóp satılǵan albomlarınan biri boldı. Sol jılı HITT dep atalgan óziniń muzıka kompaniyasın qurdı. 1998-jılı Tarkan, Walt Disneydiń Gerakl atlı multfilminiń túrk tilindegi dublyajında bas qaharman Geraklǵa dawıs berdi.

2000-2007

Tarkan 2000-jıl 14-yanvar kúni, barlıq dáramatı jer silkiniwden keyingi ońlaw jumısları ushın ketken koncert beriw ushın hám watanı aldındaǵı parızı esaplanǵan áskeriy xızmetti ótewi ushın Túrkiyaǵa qayttı. Koncertti berip bolǵannan kóp uzamay armiyaǵa ketti.

2001-jıl Tarkannıń Kuzu Kuzu qosıǵınıń bes túrli versiyası shıqtı. Keyinirek «Karma» albomı shıqtı. Sol jılı AQShtıń eń belgili gazetası Washington Postta Tarkandı Turkiyanıń mádeniy zárúrli buyımı ekenligi haqqında maqala shıqtı. Washington Post, atap ótkenindey, artist Franciyadan Daniyaǵa shekem dizimlerde orın iyelegen hám Rossiyada eń kóp rus bolmaǵan pop juldızınıń satılǵan albomınıń iyesi bolǵan. 2003-jılı «Dudu» albomın shıǵardı. Bul albomnıń birinshi qosıǵı Dudu Rossiyada eń jaqsı sırt el qosıǵı sıpatında qabıl etildi. 2004-jıl Turkiyanıń eń úlken benzin satıw firması bolǵan OPET tıń reklamasında rol aldı. 2005-jılı «Bounce» dep atalǵan hám úlken tabıslar keltirgen albomın shıǵardı. 2006-jılı bolsa Come Closer atlı albomın shıǵardı. Ol albomdaǵı Strat The Fire qosıǵı ushın 2-qosıǵında shıǵardı. Remiks hám qosıqlardan tısqarı 6-túrkshe albomı bolǵan Metamorfozdı 2007-jıl 26-dekabrde shıģardı. Albomnıń satılıw kórsetkishi 10 kún ishinde 350 000 nan astı.

Házirgi kúnde Tarkan Tevetoglu kóplegen qosıqların jazıw menen bánt.

2016-jıl

2016-jıldıń aprel ayında germaniyalı súyiklisi Pinar Dilekka úylendi. Toydı dáslep Istanbulda, soń Germaniyanıń Kyoln (Koln) qalasında úlken etip ótkerdi.

Siltemeler

Tarkan Tevetoğlu 2011-02-24 sánesinde Wayback Machine saytında arxivlendi. – Tarkan Lyric TR
Tarkan Tevetoğlu 2008-10-24 sánesinde Wayback Machine saytında arxivlendi. (Tarkan Fan Club)