Tawıqlar

Tawıqlar - tawıqlar quslar arasında yeń kóp baǵılatuǵın úy qusı bolıp yesaplanadı. Házirgi tawıq porodaları tropikalıq toǵaylarda jasawshı jabayı bankiv tawıqlarınan kelip shıqqan. Máyek beriwshi porodalardan orıs aq tawıǵı hám lekgorn baǵıladı. Wolar salıstırmalı dárejede kishkene bolıp, salmaǵı 1,6-2,4 kg, biraq tez jetiledi hám hár biri jılına 200-300 hám wonnanda kóbirek máyek tuwadı. Máyek-gósh beriwshi tawıq porodaları (Zagorsk, Nyugempshir, Permovaysk) biraz úlkenirek bolıp, salmaǵı 2,5-4,0 kg keledi. Gósh beretuǵın tawıqlar (Kornuel Plimutrok) porodalarınıń salmaǵı 3,0-4,5 kg ǵa jetedi, az máyek tuwadı. Wolar tek shóje alıw ushın baǵıladı, yeki aylıq shójeleriniń salmaǵı 1,6 kg hám wonnanda zıyatıraq boladı.