Tokat (wálayat)

Tokat wálayatı
Tokat wálayatı ;
	40°21′10″N 36°33′52″E / 40.35278°N 36.56444°E
Aymaq túri	wálayat
Mámleket	Túrkiya
Jer maydanı	10,042 km²
Xalıq sanı (2022)	596,454 adam
Xalıq tıǵızlıǵı	59.396 adam/km2
Websayt	http://www.tokat.gov.tr/
	Tokat wálayatı

Tokat wálayatı (túrkshe: Tokat ili) — Túrkiya arqasında jaylasqan wálayat. Maydanı 10 042 km²^[2], xalqı 596 454 (2022)^[1]. Oǵan qońsılas bolǵan wálayatlar arqa-batısta — Amasya, qubla-batısta — Yozgat, qubla-shıǵısta — Sivas, arqa-shıǵısta — Ordu. Paytaxtı Ankara qalasınan 422 kilometr qashıqlıqtaǵı Orta Qara teńiz boyınıń ishkerisinde jaylasqan Tokat qalası. Gubernator — 2022-jılı tayınlanǵan Numan Hatipoğlu^[3].

Geografiyası

Deveci tawlarınıń oraylıq bóleginiń arqa janbawırlarınan baslanıp, shep tárepte Yeşilırmakqa qosılatuǵın qala dárya oypatınıń janbawırında jaylasqan bolıp, Oraylıq Qara teńiz boyı hám Oraylıq hám Shıǵıs Anatoliyanı baylanıstıratuǵın áhmiyetli jollardıń kesilispesinde, júdá oylı-bálentli aymaqta jaylasqan. Wálayattıń ulıwma maydanı 10 042 km²di quraydı. Teńiz qáddinen 623 m biyiklikte jaylasqan. Geografiyalıq koordinatalar 39° 51' - 40° 55' arqa keńlikler hám 35° 27' - 37° 39' shıǵıs boylıqlar aralıǵında jaylasqan.

Rayonları

Mardin wálayatı 12 rayonǵa bólingen:

Ekonomikası

Tokat xalqı diyqanshılıq, sharwashılıq hám sawda-satıq penen kún kóredi. Qala óziniń turaqlı qala dúzilisi, kóplegen tábiyǵıy gózzallıqları hám ekonomikalıq sawda sharayatları menen tınısh turmıs ushın ideal qala bolıp esaplanadı. Ekonomikası awıl xojalıǵı hám sharwashılıqqa tiykarlanǵan. Tokattıń sawdası hám sanaatı qala orayında jámlengen. «Tokat» shólkemlestirilgen sanaat zonası — qalanıń birden-bir sanaat jumısı dawam etip atırǵan aymaq. Geografiyalıq jaylasıwı menen awıl xojalıǵına qolaylı qala. Awıl xojalıǵı ónimlerin jetistiriwde pomidor, burısh, chereshnya, kartoshka, júzim hám qant láblebisi aymaqlıq óndiriste eń úlken úleske iye bolǵan ónimler bolıp esaplanadı.