Turdıbay Mámbetniyazov

Turdıbay Mámbetniyazov
Tuwılǵan sánesi	25-yanvar 1933-jılı(1933-01-25) (93 jasta)
Tuwılǵan jeri	Bozataw awılı, Qaraózek rayonı
Ilimiy tarawı	Filologiya, ádebiyattanıw]], ádebiy sın
Jumıs orınları	N. Dáwqaraev atındaǵı Tariyx, til hám ádebiyat institutı
Bilim alǵan jeri	Qaraqalpaq mámleketlik pedinstitutı
Belgili tezis(ler)i	«Házirgi zaman qaraqalpaq lirikası» (1965)
Sıylıqları	Ózbekstan Respublikası Beruniy atındaǵı mámleketlik sıylıǵı (1983) «Qaraqalpaqstan Respublikasına miyneti sińgen mádeniyat xızmetkeri»

Turdıbay Mámbetniyazov (Турдыбай Мәмбетниязов; 1933-jıl 25-yanvar, Qaraózek rayonı) — ádebiyat izertlewshisi hám sınshı.

Ómir hám miynet jolı

T.Mámbetniyazov 1933-jılı 25-mayda Qaraózek rayonınıń «Bozataw» awılında tuwılǵan. Ol 1949-jılı orta mektepti tamamlap, 1953-jılı Qaraqalpaq mámleketlik pedinstitutın pitkeredi, sońınan áskeriy xızmette boladı (1954-57) bir neshe jıllar awılında muǵallim, mektep direktorı (1957-59), N. Dáwqaraev atındaǵı Tariyx, til hám ádebiyat institutında islegen. Ol 1962-65-jılları Tashkentte aspiranturada oqıdı.

Ol 1993-jıldan Jazıwshılar awqamınıń aǵzası.

Ilim jolı

T.Mámbetniyazov 1965-jılı «Házirgi zaman qaraqalpaq lirikası» degen temada kandidatlıq dissertaciyasın jakladı. Ádebiyatshınıń «Dáli Nazbergenovtıń tvorchestvosı» (1977), «Poeziya haqqında oylar» (1985), «Qaraqalpaq lirikası» (1989), «Qaraqalpaq balalar poeziyası hám onıń mashqalaları» (1992), «Poeziya turmıs, gúres hám talpınıw» (1993), «Jańa qaraqalpaq poeziyası hám dáwir talabı» (1994), «Shayır jolı» (2001) ilimiy kitapları hám balalarǵa arnalǵan «Qarlıǵash» (1981), «Ananıń sózin tıńlamay» kitapları, jáne de jámáátlik avtorlar menen birge «Qaraqalpaq sovet ádebiyatı tariyxınıń ocherkleri» (1968), «Qaraqalpaq sovet ádebiyatında poema janrınıń rawajlanıwı» (1976), «Qaraqalpaq ádebiyatı tariyxı» (1981), «Watan ushın gúresken qosıqlar» (G. Esemuratov penen birge, 1990), «XX ásirdegi qaraqalpaq ádebiyatı» (9-klasslar ushın sabaqlıq, Z. Bekbergenova menen 2002, 2006, 2010) monografiyalar menen sabaqlıqlardı jazıwǵa belsene qatnastı.

Jetiskenlikleri

T. Mámbetniyazov Ózbekstan Respublikası Beruniy atındaǵı mámleketlik sıylıǵınıń laureatı (1983), «Qaraqalpaqstan Respublikasına miyneti sińgen mádeniyat xızmetkeri» degen húrmetli ataqqa iye.

Ádebiyatlar

• Қарақалпақстан Республикасы жазыўшылары (библиографиялық мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0