Turdımurat Nájimov
| Turdımurat Nájimov | |
|---|---|
| Tuwılǵan sánesi | 1-avgust 1914-jılı |
| Tuwılǵan jeri | Taxtakópir rayonı |
| Qaytıs bolǵan sánesi | 1988-jılı |
| Dóretiwshilik túri | proza |
| Oqıǵan jeri | Nizamiy atındaǵı pedagogikalıq institutı (Tashkent) |
| Ataqları | «Qaraqalpaqstan Respublikasına miyneti sińgen mádeniyat xızmetkeri» (1974) |
Turdımurat Nájimov (1914-1988) — jazıwshı. «Qaraqalpaqstan Respublikasına miyneti sińgen mádeniyat xızmetkeri» (1974).
Ómir hám miynet jolı
[redaktorlaw | derekti redaktorlaw]1914-jılı 1-avgustta Taxtakópir rayonında tuwılǵan. Miynet jolın awıllıq mektepte muǵallim bolıp islewden basladı, joqarı partiya mektebinde oqıdı, 1935-36-jılları rayonlıq jaslar komitetinde isledi. 1939-jılı Tashkenttegi Nizamiy atındaǵı pedagogikalıq instituttı tamamlap, Nókis qalasında mektep direktorı boldı.
1940-43-jılları ekinshi jáhán urısına qatnastı, fronttan qaytqannan soń Taxtakópir rayonında bilimlendiriw bóliminiń baslıǵı, rayonlıq gazetanıń redaktorı. Tashkentte partiya mektebiniń tıńlawshısı, Qaraqalpaqstan Respublikası Ministrler Keńesi janındaǵı mádeniyat isleri basqarmasında, 1951-jıldan ómiriniń aqırına shekem «Qaraqalpaqstan» baspasında aǵa redaktor bolıp isledi.
T. Nájimov 1954-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Onıń «Jeńis jolında» (1952), «Jeńis hawazı» (1954), «Jańa jer ústinde bayraq» (1955), «Qızlar qosıǵı» (1958), «Jawıngerlik jılları» (1968), «Búrkit» (1970) sıyaklı toplamlarda gúrrińleri hám povestleri járiyalandı. Jazıwshınıń «Jańa qonıs» (1972), «Qızıl qum qoynında» (1976), «Otlı dárya» (1979), «Novgorod yarmarkası» (1983) romanları hám «Eki dos» (2007), «Ótmishten elesler» (2009), «Pesnya devushek» (2009), «Sxvatka s tigrami» (2009), «Injigúl» (2010) kitapları basılıp shıqtı. T. Nájimov «Qaraqalpaqstan Respublikasına miyneti sińgen mádeniyat xızmetkeri» (1974), Jawıngerlik medal, Ózbekstan hám Qaraqalpaqstan Respublikası Joqarǵı Keńesiniń Húrmet jarlıqları menen sıylıqlangan. Onıń shıǵarmaları ózbek, rus tillerine awdarılǵan.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0