Tursımurat Eshanov

Tursımurat Eshanov
Tuwılǵan sáne	10-dekabr 1946-jılı(1946-12-10) (79 jasta)
Tuwılǵan jeri	Shımbay rayonı
Dóretiwshilik túri	poeziya
Oqıǵan jeri	Nókis mámleketlik pedagogikalıq institutı
Dóretiwshilik jılları	1970-jıldan házirge shekem
Baǵdar(lar)ı	balalar poeziyası
Sıylıqları	«Qaraqalpaqstan Respublikası xalıq bilimlendiriw aǵlası»

Tursımurat Eshanov (1946-jıl 10-dekabr, Shımbay rayonı) — balalar shayırı. «Qaraqalpaqstan Respublikası xalıq bilimlendiriw aǵlası».

Ómirbayanı

T. Eshanov 1946-jılı 10-dekabrde Shımbay rayonında tuwılǵan.

Ol Nókistegi pedagogikalıq instituttıń filologiya fakultetin tamamlaǵan. 1983-jıldan 2001-jılǵa shekem Nókis rayonındaǵı N-17 sanlı mektepte muǵallim, direktordıń ruwxıy-aǵartıwshılıq isleri boyınsha orınbasarı bolıp islegen.

T. Eshanov 1999-jıldan Jazıwshılar awqamınıń aǵzası.

Dóretiwshiligi

T. Eshanovtıń dáslepki qosıǵı 1970-jılı «Jetkinshek» gazetasında basılǵan. Sol waqıttan baslap onıń qosıqları, gúrriń, ocherkleri kúndelikli baspa sózde járiyalanıp kiyatır.

1996-jılı «Payǵazı», qosıqlar toplamı, 1997- jılı «Saqawatlı insan» ocherki, balalarǵa arnalǵan «Tayınshaq» kitabı «Qaraqalpaqstan» baspasınan basılıp shıqtı.

T. Eshanov «Qaraqalpaqstan Respublikası xalıq bilimlendiriw aǵlası», Jurnalistler awqamınıń aǵzası.

Ádebiyatlar

• Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0