Ulmámbet Xojanazarov

Ulmámbet Xojanazarov
Tuwılǵan sáne	11-fevral 1938-jılı(1938-02-11)
Tuwılǵan jeri	Shúyt awılı, Engels sovxozı, Kegeyli rayonı
Qaytıs bolǵan sáne	21-oktyabr 2021-jılı(2021-10-21) (83 jasta)
Qaytıs bolǵan jeri	Nókis qalası
Dóretiwshilik túri	poeziya
Oqıǵan jeri	Qaraqalpaq mámleketlik pedinstitutı
Ákesi	Nurjan ulı Xojanazar (1914-1987)
Anası	Daljan qızı Úmitgúl (1917-1978)
Aysulıw Ismaylova (1942-jıl 10-yanvar)
Perzentleri	Xojanazarov Muratbay (ulı, 1964) Xojanazarova Zamira (qızı, 1965) Xojanazarov Mámbetnazar (ulı, 1967) Xojanazarova Arzayım (qızı, 1970) Xojanazarova Malika (qızı, 1973) Xojanazarov Muxammedreyim (ulı, 1976) Xojanazarova Genjegúl (qızı, 1979) Xojanazarov Muratbay (ulı, 1964) Xojanazarova Zibagúl (qızı, 1989)
Ataqları	«Ózbekstan Respublikasına miyneti sińgen mádeniyat xızmetkeri» «Qaraqalpaqstan xalıq shayırı»
Sıylıqları	Ózbekstan Jaslar awqamı sıylıǵı «Lenin» ordeni «Shuxrat» medalı «El-jurt húrmeti» ordeni

Ulmámbet Xojanazarov (Улмәмбет Хожаназаров; 1938, Kegeyli rayonı — 2021, Nókis) — shayır hám jámiyetlik isker. «Qaraqalpaqstan xalıq shayırı», «Ózbekstan Respublikasına miyneti sińgen mádeniyat xızmetkeri».

Ómir jolı

U. Xojanazarov 1938-jılı Kegeyli rayonına qaraslı sol waqıttaǵı Engels sovxozınıń Shúyt awılında tuwılǵan. Ol 1960-jılı Qaraqalpaq mámleketlik pedinstitutınıń matematika fakultetin tamamlap, sol jıldan 1992-jılǵa shekem Kegeyli rayonındaǵı 3-sanlı mektepte muǵallim, oqıw bóliminin baslıǵı boldı. Áskeriy xızmetten soń, televidenie hám radio esitttiriw komitetinde jumıs isledi (1965), «Ámiwdárya» jurnalınıń bólim baslıǵı (1966-69), oblastlıq partiya komitetinde (1969-71), «Ámiwdárya» jurnalında bas redaktor (1971-78) lawazımında isledi. Moskvadaǵı Jámiyetlik ilimler akademiyasında oqıdı (1978-80), «Sovet Qaraqalpaqstanı» gazetasında bas redaktordıń orınbasarı, Oblastlıq partiya komitetinde bólim baslıǵınıń orınbasarı (1980-81), Bozataw rayonlıq partiya komitetinin sekretarı boldı, Qaraqalpaqstan televideniesi hám radio esittiriw komitetin basqardı (1985-92), 1992-2000-jılları Nókis rayonınıń hákimi, «Ruwxıylıq hám aǵartıw» orayınıń baslıǵı boldı.

1969-jıldan Jazıwshılar awqamınıń aǵzası.

Shayır 2021-jılı 21-oktyabrde Nókis qalası Airoport kóshesinde ózi jasaǵan úyinde qaytıs boldı.

Shańaraǵı

• Ákesi — Nurjan ulı Xojanazar (1914-1987);
• Anası — Daljan qızı Úmitgúl (1917-1978);
• Ómirlik joldası — Aysulıw Ismaylova (1942);
  • Perzentleri:
  • Xojanazarova Zamira (1965);
  • Xojanazarov Mámbetnazar (1967, qaytıs bolǵan);
  • Xojanazarova Arzayım (1970);
  • Xojanazarova Malika (1973);
  • Xojanazarov Muxammedreyim (1976, qaytıs bolǵan);
  • Xojanazarova Genjegúl (1979);
  • Xojanazarov Muratbay (1964, qaytıs bolǵan);
  • Xojanazarova Zibagúl (1989).

Siyasiy iskerligi

U.Xojanazarov eki márte Oliy Májlis deputatı, Joqarǵı Keńes deputatı bolıp saylanǵan.

Dóretiwshilik jolı

Shayırdıń «Áwelemen-dúwelemen» (1969), «Kewil tuyǵıları» (1970), «Jıllarım meniń» (1976) «Napevı Amu», «Kewil qusım» (2010) atlı toplamları jarıqqa shıqtı. Qosıqları qazaqsha hám russha jurnallarda basılǵan. Ol A. Pushkin, Yu. Lermontov, V. Mayakovskiy, R.Babajannıń «Obi xayot», A. Tvardovskiydiń geypara shıǵarmaların qaraqalpaq tiline awdarǵan.

Sonday-aq, shayırdıń shıǵarmaları Rimma Kazakovanıń tárepinen orıs tiline awdarılǵan.

Jetiskenlikleri

U. Xojanazarov «Ózbekstan Respublikasına miyneti sińgen mádeniyat xızmetkeri», «Qaraqalpaqstan xalıq shayırı» húrmetli ataǵına iye. Ol Ózbekstan Jaslar awqamı sıylıǵınıń laureatı, Qaraqalpaqstan Respublikası Joqarǵı Keńesiniń Húrmet jarlıǵı, «Lenin» ordeni, «El-jurt húrmeti» ordeni, «Shuxrat» medalı menen sıylıqlanǵan.

Ádebiyatlar

• Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0