Kontentke ótiw

Uteuliev Nietbay

Wikipedia — erkin enciklopediya
Uteuliev Nietbay Uteulievich
súwret
Tuwılǵan sánesi1-aprel 1953-jılı(1953-04-01) (72 jasta)
Tuwılǵan jeriQońırat rayonı
Milletiózbek
Ilimiy tarawımatematik modellestiriw, informaciya texnologiyaları, ekologiyalıq mashqalalardı sheshiw
Jumıs orınlarıNókis mámleket universiteti esaplaw orayı injener programmisti (1977-1978)

Nókis mámleket universiteti esaplaw matematika kafedrası oqıtıwshı (1988-1991)
Nókis mámleket universiteti esaplaw matematikası kafedrası docenti (1991-1992)
Qaraqalpaq mámleket universiteti matematika fakulteti dekanı (1996-1997)
Qaraqalpaq mámleket universiteti ilimiy jumıslar hám informaciya texnologiyaları boyınsha prorektorı (1997-2002)

TATU Nókis filialı direktorı (2005-2011)
Bilim alǵan jeriTashkent mámleketlik universiteti
Ilimiy dárejesiFizika-matematika ılımlerı doktorı
Ilimiy ataǵıprofessor
Belgili isleri200 den artıq ilimiy jumıslar, 9 ilimiy-ámeliy qollanbalar, Scopus bazasına kiretuǵın ilimiy maqalalar, monografiya hám oqıw qollanbalar, ilimiy-ámeliy elektron jurnallardıń redakciyası komissiyası aǵzası

Uteuliev Nietbay Uteulievich (1953-jıl 1-aprel, Qońırat rayonı) ― Fizika, matematika ilimleri doktorı, professor, Muhammad al-Xorezmiy atındaǵı Tashkent informaciyalıq texnologiyaları universiteti Nókis filialı professorı. Ol matematikalıq modellestiriw, informaciya texnologiyaları hám ekologiyalıq, ekonomikalıq mashqalalardı sheshiw boyınsha alıp barǵan ilimiy izertlewleri menen belgili[1].

Nietbay Uteuliev 1953-jıl 1-aprelde Qaraqalpaqstan Respublikasınıń Qońırat rayonında tuwılǵan. 1970-jılda 2-sanlı orta mektepti tamamlaǵan. Keyinirek joqarı tálim hám ilimiy izertlewlerin dawam ettirip, texnika pánleri doktorı ilimiy dárejesine iye bolǵan.

Ilimiy jumısı

[redaktorlaw | derekti redaktorlaw]

Professor Uteulievich matematikalıq modellestiriw, informaciya texnologiyaları hám ekologiyalıq mashqalalardı sheshiwge arnalǵan bir qatar ilimiy izertlewlerdiń avtorı esaplanadı. Onıń ilimiy jumısları arasında:

  • Pataslanǵan suwdı tazalaw processlerin modellestiriw hám optimallastırıw;
  • Awıl xojalıǵı óndirisindegi ekologiyalıq-ekonomikalıq: mashqalalardı sheshiw ushın algoritmler islep shıǵıw[2];
  • Mektep informatika kurslarında informaciya texnologiyaların qollaw[3] sıyaqlı temalar bar.

Konferenciyalar hám tańlawlar

[redaktorlaw | derekti redaktorlaw]

1982-1984-jıllar dawamında Kiev mámleketlik universiteti stajyor ― izleniwshisi. 1984-1987-jılları Kiev mámleketlik universiteti aspirantı. 1987-jılı Kiev mámleketlik universiteti janındaǵı ilimiy dárejeler beretuǵın D068.18.10-sanlı ilimiy keńesinde 01.01.09 matematikalıq kibernetika qánigeligi boyınsha «Operatorlıq sheklewlerge iye stoxastikalıq programmalastırıwdıń bazı bir máseleleri ushın qosarlılıq qatnasları hám optimallıq shártleri» temasındaǵı kandidatlıq dissertaciyasın jaqlaǵan.

2023-jıl may ayında Nókis qalasında ótkerilgen «Matematikalıq modellestiriw hám informaciya texnologiyalarınıń aktual máseleleri» xalıq aralıq ilimiy-ámeliy konferensiyası professor Ótewlievtiń 70 jıllıq yubeleyine baǵıshlap islengen[1].

Redakciya iskerligi

[redaktorlaw | derekti redaktorlaw]

Uteuliev Nietbay Uteulievich «Science Algorithm» baspasınıń «Journal of Advances ın Engineering Technology» jurnalınıń redakciya komissiyası aǵzası retinde de iskerlik júrgizedi[4].