Kontentke ótiw

V (qosıqshı)

Wikipedia — erkin enciklopediya
V (뷔)
Ulıwma maǵlıwmatlar
Tuwılǵan sáne30-dekabr 1995(1995-12-30)[1] (30 jasta)
Puqaralıǵı Qubla Koreya
Milletikoreys
Oqıǵan jeriKoreya kórkem óner orta mektebi
Global kiber universiteti
Iskerlik jılları2013-jıldan házirge shekem
LeyblBIGHIT MUSIC, HYBE
UniversitetKoreya kórkem óner orta mektebi
Global kiber universiteti
ToparBTS
JanrR&B, Pop, K-pop
Imzá

Kim Taehyung (koreysshe: 김태형; 1995-jılı 30-dekabr[2] — professional túrde V (koreysshe: 뷔) atı menen de tanılǵan) — Qubla koreyalı qosıqshı, aktyor, qosıq jazıwshı hám BTS ul balalar toparınıń aǵzası[3]. 2013-jılı topardaǵı debyutinen berli V óz atı menen úsh jeke qosıǵın atqardı: «Stigma» (2016), «Singularity» (qaraqalpaqsha «Jalǵızlıq») (2018) hám «Inner Child» (qaraqalpaqsha «Ishtegi bala») 2020) — bulardıń barlıǵı Qubla Koreyanıń Gaon Digital Chartta orın alǵan.

BTS penen joybarlarınan tısqarı, V 2016-jılı «Hwarang:The Poet Warrior Youth» (qaraqalpaqsha «Xvarang:Shayır jawınger jaslar») teleserialında súwretke tústi hám onıń saundtrekine «It is Definitely You» (qaraqalpaqsha «Álbette sizsiz») qosıǵın qosqan. Ol óziniń birinshi gárezsiz qosıǵın — ózi dóretken «Scenery»di (qaraqalpaqsha «Kórinis») 2019-jılı shıǵardı. 2023-jılı V «Love me again» (qaraqalpaqsha «Meni jáne súyiń!») hám «Rainy Days» (qaraqalpaqsha «Jawınlı kúnler») qosıqlarınıń shıǵıwı menen solo atqarıwshı sıpatında óziniń rásmiy debyutın jasadı. Onıń birinshi debyut solo albomı «Layover» (qaraqalpaqsha «Toqtap qalıw») 8-sentyabrde tórtinshi singli «Slow Dancing» (qaraqalpaqsha «Áste ayaq oyın») penen shıqtı[4].

Ómirbayanı hám bilim alıwı

[redaktorlaw | derekti redaktorlaw]

Kim Taehyung 1995-jıl 30-dekabrde Qubla Koreyanıń Daegu qalasında tuwılǵan hám Gochang okruginde ósken[5]. Onıń shańaraǵında ata-anasınan tısqarı inisi hám ajapası bar[6]. V dáslep baslawısh mektepte professional qosıqshı bolıwdı árman etken[7]. Ákesiniń járdemi menen ol muzıka karyerasın dawam ettiriw quralı[8] sıpatında orta mektepte saksafonnan sabaq alıwdı basladı[6][7]. V Degu qalasındaǵı tańlawdan ótip, Big Hit Entertainment ushın stajyor boldı[9].

2014-jılı Koreya kórkem óner orta mektebin tamamlaǵannan soń[10], V Global Cyber universitetine oqıwǵa kirdi hám 2020-jıl avgust ayında «Radioesittiriw hám kewilashar» baǵdarı boyınsha universitetti tamamladı[11]. 2021-jıldan baslap ol Hanyang Cyber universitetinde reklama hám media tarawında biznes basqarıwı boyınsha magistrlik dárejesine oqıwǵa kirdi[12].

2013-jıldan házirgi kúnge shekem: BTS debyut hám karyerasınıń baslanıwı

[redaktorlaw | derekti redaktorlaw]

V Billboard Music Awards ushın baspasóz ánjumanında, 2017-jıl may, 2013-jıl 13-iyunde Taehyung «No More Dream» (qaraqalpaqsha «Endi árman joq») singli menen BTS balalar toparınıń tórt vokalshısınan biri sıpatında debyut etti. Kompaniya saxna atın tańlawdıń úsh variantın usındı: Altı (ingl.Six), Lex (ingl.Lex) hám V (ingl.V). Ol aqırǵı varianttı tańladı, sebebi ol «jeńis» degen mánisti ańlatadı (inglisshe: Victory) [13]. V birinshi ret 2015-jılı Jaslar trilogiyasınıń birinshi albomi ústinde islep atırǵanda muzıka dóretiwde ózin sınap kórdi hám ol jerde «Hold Me Tight» (qaraqalpaqsha «Meni bekkem uslań»)trekiniń avtorları hám kompozitorlarınan biri boldı. Shuga da avtorı bolǵan «Boyz with Fun» (qaraqalpaqsha «Kewilli jigit») qosıǵınıń teksti ústinde de islegen. Trilogiyanıń ekinshi albomı ushın V «Run» (qaraqalpaqsha «Juwır») atlı trekti jaratıwda da qatnasqan, onıń muzıkasın jazǵan hám Jungkook sózlerinen paydalanǵan.2016-jılı ol Gaon Singles Charttıń[14] top 30 lıǵı hám Billboard World Singles Charttıń top 10 lıǵında debyut etken «Stigma» jekke kompoziciyasın shıǵardı. V, sonday-aq, J-Hope menen «Hug Me» (qaraqalpaqsha «Meni qushaqla») qosıǵınıń rásmiy emes coverların hám Adeldiń «Someone Like You» (qaraqalpaqsha «Sizdey adam)qosıǵınıń jeke atqarǵan[15].

2018-jıldıń may ayında V óziniń ekinshi jeke kompoziciyasın «Singularity»dı (qaraqalpaqsha «Jalǵızlıq») arnawlı úshinshi studiyalıq albomı «Love Yourself 轉's Tear» (qaraqalpaqsha «Meni óziń jaqsı kór»)ushın shıǵardı[16][17][18]. Shıǵarılıwınan bir ay ótkennen soń, Britaniyanıń The Guardian gazetası qosıqtı «2018-jıldıń iyun ayınıń eń jaqsı 50 qosıǵı» pleylistine qostı. Qosıq Amerikanıń Billboard jurnalı tárepinen «Eń jaqsı 50 BTS qosıǵı» dizimine kirgizilip, onı 28-orınǵa qoydı. 25-oktyabr kúni «Singularity» (qaraqalpaqsha «Jalǵızlıq») BBC radiosında debyut etti. Ulıwma alǵanda, qosıq muzıka baspaları tárepinen joqarı bahalanıp, jıl juwmaǵında eń jaqsı qosıqlar diziminen orın aldı. Amerikanıń abıraylı The New York Times baspası qosıqtı «Fake Love» (qaraqalpaqsha «Ótirik muhabbat») penen birge «2018-jıldıń 65 eń jaqsı qosıqları» diziminde 20-orınǵa qoydı. Los Angeles Times gazetasınan Mikael Vud «Singularity» (qaraqalpaqsha «Jalǵızlıq») qosıǵın jıldıń eń jaqsı hám eń kóp tákirarlanatuǵın qosıǵı dep atadı.The Guardiańdan Laura Sneys qosıqtı óziniń súyikli qosıqlarınan biri dep atadı hám onı «2018-jıldıń eń jaqsı muzıkası: Albomlar hám trekler» dizimine kirgizdi. Sol jıldıń oktyabr ayında V basqa aǵzalar qatarında Koreya Respublikası Prezidentiniń «Mádeniy xızmetleri ushın» besinshi dárejeli ordenin aldı[19][20].

2016-jıldan házirgi kúnge shekem:jeke dóretiwshilik

[redaktorlaw | derekti redaktorlaw]
V crosses his arms, his right hand holding a microphone, and looks left
V Kobe qalasında, Yaponiyanıń «Ómirdiń eń gózzal demi» saxnasında, 2016-jıl 23-mart.

2016-jılı V tariyxıy draması «Hwarang:The Poet Warrior Youth»da (qaraqalpaqsha «Xvarang:Shayır jawınger jaslar») aktyor sıpatında debyut qıldı hám saxna atı ornına haqıyqıy atın paydalandı[21]. Ol Chin menen birgelikte joybar ushın «It is Definitely You» (qaraqalpaqsha «Álbette sizsiz») saundtrekin jazıp aldı. 2017-jıl 8-iyun kúni BTSdıń 4 jıllıǵın belgilewde ol Arem menen birgelikte prodyuserlik qılǵan «4 Óclock» qosıǵın shıǵardı. Qosıq dáslep Seul muzıka sıylıqları máresiminde járiyalandı, keyin gruppanıń Twitterdegi rásmiy betinde payda boldı. Kompoziciyanı V ózi jazǵan, ol da kompozitor bolǵan hám qaplamasın jaratqan. Docskim prodyuser boldı, PDogg hám Hiss Noisede dóretiwshilikte qatnastı. Amerikanıń Elite Daily málimleme platformasınan Djeymi Lilo qosıqtı pianino ırǵaǵına iye romantikalıq ruwx dep táriypledi.Birinshi kúnniń ózinde «Scenery» 372 mıńnan artıq like jıynadı, bul SoundCloudda rekord kórsetkish boldı, bes kún ishinde 30 millionnan artıq aǵım baqlandı. Qosıq tólemli muzıka platformalarında shıǵarılmaǵanına qaramastan, ol kópshilikten jeterli dárejede juwap aldı, 120 dan aslam xabar agentlikleri shıǵarılıwı haqqında xabar berdi.

V diń dawısı baritondur. Elite Dailyden Karen Ruffini Vdiń BTS qosıqları dawısında tiykarǵı element bolǵan tınıshlandırıwshı, tómen tonlarda mashqala joqlıǵın atap ótti.Billboarddan Tamar Herman óziniń maqalasında keń diapazon hám tereń dawıs penen V diń tásirsheń vokalları BTS dawısınıń tiykarı ekenin atap ótti.

Úles hám tásir

[redaktorlaw | derekti redaktorlaw]

Koreyanıń Gallup institutı nátiyjelerine kóre, V 2018-jılda jámiyeshilik tárepinen eń kóp qálegen toǵızınshı juldız bolıp tabıladı. Kóplegen juldızlar onı ózine úlgi sıpatında keltiredi. Sonıń ishinde, Younghoon (The Boyz), Jaehyun (Golden Child) hám Jihoon (Wanna Onenıń burınǵı aǵzası).

2018-jıldan berli V toparlasları menen Qubla Koreyanıń Xannam-dong qalasında, Seul qalasında jasaydı. 2019-jıl iyul ayında ol 5,1 milliard ¥ (2019) (4,38 million AQSh dolları) bahasındaǵı kvartira satıp aldı.

2018-jıl oktyabr ayında Parijde bolıp ótken «Love Yourself World Tour» koncerti waqtında V kesellik sebepli qosıq aytıwda qıynaladı hám koncert dawamında óziniń ayırım bólimlerinen ózin sheklewge májbúr bolǵan. 2021-jıl oktyabr ayında V agentligi buzaw jaraqatı sebepli «Permission to Dance on Stage» koncertlerinde xoreografiyadan waz keshetuǵının hám qosıq aytıp atırǵanda otırǵan ornında qalatuǵının járiyaladı.

  1. ↑ V // Česko-Slovenská filmová databáze (çeş.). 2001.
  2. ↑ «ko:뷔 프로필» [V (Kim Tae-hyung, V) Singer] (ko). Naver People Search. 31-iyul 2019-jılda túp nusqadan arxivlendi. Qaraldı: 12-avgust 2019-jıl.
  3. ↑ Herman, Tamar (June 30, 2017). „Get to Know BTS: V“. Billboard. May 22, 2019da túp nusqadan arxivlendi. Qaraldı: August 12, 2019.
  4. ↑ Nawar, Zareen «Taehyung’s ‘Layover’ mesmerises in whimsically rhythmic waves» (en). The Daily Star (8-oktyabr 2023-jıl). Qaraldı: 6-noyabr 2023-jıl.
  5. ↑ «[아.입.뽀⑥ 독보적 밀리언셀러, 방탄소년단 뷔 #이 비주얼, 이 실력 현실이냐?»]. 31-yanvar 2018-jılda túp nusqadan arxivlendi.
  6. 1 2 Jang, Eun-kyung «ko:[더스타프로필 방탄소년단 뷔, 비범한 '상남자' 서열 "그림으로 말해요"»] [[The Star Profile] BTS V, extraordinary 'Boy In Luv' ranking "Tell Me in Pictures"] (ko). The Star (30-aprel 2015-jıl). 3-may 2015-jılda túp nusqadan arxivlendi. Qaraldı: 9-iyul 2020-jıl.
  7. 1 2 Jang, Yoon-jung «ko:[방탄소년단 멤버해부 방탄소년단, '뷔' #얼굴천재#감성소년#연탄이 아빠»] [[BTS Dissection] BTS, 'V' #Face Genius #Emotional Boy #Yeontan Dad] (ko). AJU News (30-oktyabr 2018-jıl). 24-may 2019-jılda túp nusqadan arxivlendi. Qaraldı: 12-avgust 2019-jıl.
  8. ↑ "V from BTS – all about the K-pop group's vocalist and lead dancer". South China Morning Post. June 30, 2018. https://www.scmp.com/culture/music/article/2152882/who-v-bts-learn-about-k-pops-vivacious-music-lover-and-his-journey-fan.
  9. ↑ Drysdale, Jennifer «BTS: Everything You Need to Know About the K-Pop Boy Band Ready to Take Over the World». Entertainment Tonight (20-sentyabr 2017-jıl). 21-sentyabr 2017-jılda túp nusqadan arxivlendi. Qaraldı: 9-iyul 2020-jıl.
  10. ↑ Lee, Ji-hyun «ko:방탄 뷔·지민-뉴이스트 렌, 오늘(14일) 한국예고 졸업» [BTS V, Jimin and N'uest Ren graduated today (14th) from Korea Arts High School.] (ko). Star News (14-fevral 2014-jıl). 9-iyul 2020-jılda túp nusqadan arxivlendi. Qaraldı: 9-iyul 2020-jıl.
  11. ↑ Hwang, Jeong-il (March 4, 2021) (in ko). http://news.unn.net/news/articleView.html?idxno=505422.
  12. ↑ Hwang, Hye-jin (July 7, 2020). (in ko)Newsen. https://entertain.naver.com/read?oid=609&aid=0000298280.
  13. ↑ «10 Reasons Why Everybody Loves BTS' V». 28-dekabr 2019-jılda túp nusqadan arxivlendi.
  14. ↑ «2016년 42주차 Digital Chart». 20-dekabr 2016-jılda túp nusqadan arxivlendi.
  15. ↑ «방탄소년단 뷔 측 “ʻ화랑’ 출연 확정, 연기자 데뷔” (공식입장)». 31-dekabr 2019-jılda túp nusqadan arxivlendi.
  16. ↑ «BTS' V Reveals Haunting New Song 'Singularity' Ahead of 'Love Yourself: Tear' Album Release: Watch». 11-may 2018-jılda túp nusqadan arxivlendi.
  17. ↑ «Watch: BTS Teases “Love Yourself: Tear” Comeback With Stunning “Singularity” Trailer Featuring V». 9-fevral 2019-jılda túp nusqadan arxivlendi.
  18. ↑ «BTS' V Delivers "Singularity" Comeback Trailer Ahead of 'Love Yourself: Tear'». 26-mart 2019-jılda túp nusqadan arxivlendi.
  19. ↑ «'대중문화예술상' BTS, 문화훈장 화관 최연소 수훈...유재석부터 故 김주혁까지 '영광의 얼굴들' (종합)». 16-iyun 2020-jılda túp nusqadan arxivlendi.
  20. ↑ «BTS awarded with cultural medal for role in promoting Korean culture». 3-sentyabr 2019-jılda túp nusqadan arxivlendi.
  21. ↑ «방탄소년단 뷔, 본명으로 연기데뷔..'화랑:더비기닝'». 9-fevral 2019-jılda túp nusqadan arxivlendi.
«https://kaa.wikipedia.org/w/index.php?title=V_(qosıqshı)&oldid=174900» saytınan alınǵan