Wikipedia:Talqılaw beti

Mısalı, Wikipediadaǵı Nókis maqalasınıń talqılaw betine súwrette qızıl reń menen belgilengen talqılaw siltemesin basıw arqalı ashıwıńız múmkin.

Wikipediada hárbir bettiń talqılaw beti bar. Maqalanıń yamasa joybar betiniń dodalaw betiniń maqseti paydalanıwshılarǵa usı maqala yamasa joybar beti menen baylanıslı ózgerislerdi dodalawı múmkin bolǵan orındı beriwden ibarat.

Talqılaw betleri paydalanıwshılar tárepinen jeke kózqaraslar ushın erkin orın sıpatında paydalanılmawı kerek.

Talqılaw betindegi ayırım usıllar nátiyjelilikti tómenletedi, ayırımları bolsa shıraylı maqala jazıwǵa járdem beredi. Talqılaw betinde itibar qaratılıwı zárúr bolǵan áhmiyetli máseleler — baylanıs, ádep-ikram hám húrmet. Tómendegi dizim wikipediashılardıń talqılaw betlerinen nátiyjeli paydalanıwı ushın jaratılǵan.

Tiykarǵı pikirler

Wikipediya qaǵıydalarına ámel etiń

Qosımsha qarań: Wikipedia:Ulıwma qaǵıydalar

Talqılaw beti tiyisli maqalanıń kórip shıǵıw maydanı bolıp tabıladı hám maqalalar ushın ámel etiletuǵın qaǵıydalar (siyasatlar) talqılaw betleri ushın da qollanıladı. Qarap shıǵıw hám talqılaw Wikipedia:Tekseriwdiń múmkinligi, Wikipedia:Biytárep kózqaras hám Wikipedia:Óz betinshe izertlewlerdiń qadaǵanlıǵı standartlarına iye bolıwı kerek. Álbette, keńirek izertlewdi támiyinlew ushın spekulyaciya, usınıs hám jeke maǵlıwmatlardan aqılǵa uǵras dárejede paydalanıw múmkin. Biraq Wikipedia siyasatı talaplarına sáykes kelmeytuǵın hár qanday pikirdi talqılawdı dawam ettiriw talqılaw betinen qáte paydalanıw bolıp esaplanadı.

Bunda jaqsı niyet bar dep esaplań hám talqılawda qatnasıp atırǵan basqa adamlar da siz sıyaqlı pikirleytuǵın, sezinetuǵın, Wikipediaǵa unamlı úles qosıwdı qálewshi adamlar dep esaplap, olarǵa usı baǵdarda qatnas jasań.

Wikipedia:Tiri shaxslardıń biografiyaları ayrıqsha itibar beriń:

Paydalanıwshılar tiri shaxslar haqqında jazılǵan hár bir unamsız maǵlıwmattı óshirip taslawı kerek. Óshiriletuǵın bul pikirler derek kórsetilmegen, Wikipedia:Isenimli derekler betinde belgilengen standartlar boyınsha jeterli emes yamasa derektiń boljawǵa tiykarlanǵan túsinigi bolıwı múmkin.

Talqılaw betlerinen qalay paydalanıw kerek?

• Pikir almasıw: Eger sizde gúman bolsa, basqa paydalanıwshılardıń sizdi, siziń hám basqalardı durısıraq túsiniwi ushın artıqsha kúsh-ǵayrat kórsetiń. Doslıq qatnasıq úlken járdem boladı. Kóz qaraslarıńızdı bayanlaw bárqulla jaqsı ideya bolǵanda, tema boyınsha sebebin bayanlamaǵan kóz qarasıńızdı jazıw az járdem beredi. Siziń pikir bildiriwińiz basqalardı isendiriwde hám ulıwma qarar qabıl etiwde paydalı boladı.
• Temaǵa baylanıslı bolıń: Talqılaw betleri ulıwma sóylesiw maydanı emes. Tartısıwlar tiyisli maqalanı qalay islep shıǵıw múmkin ekenligi menen baylanıslı bolıwı kerek. Qatnası joq tartıslar óshiriliwi múmkin.
• Konstruktiv bolıń: Talqılaw betleri tiyisli maqalanı rawajlandırıw jolların tabıw maqsetinde paydalanılıwı kerek. Talqılaw beti maqalanıń jańa versiyası boyınsha kemshiliklerdi tabıw, sınǵa alıw ornı bolmaydı. Bul jaǵday, ásirese, tiri shaxslardıń ómirbayanına tiyisli. Sonıń menen birge, eger siz bir nárse durıs emes dep esaplasańız, biraq onı qalay dúzetiw múmkinligin bilmeseńiz, ózińizdi basqalardıń usınısların sorawǵa tosqınlıq etpeń.
• Biytárep bolıń: Talqılaw betleri paydalanıwshılar tartıslı máseleler boyınsha ózleriniń hár qıylı kózqarasların talqılaytuǵın forum maydanı emes. Ekinshi dárejedegi dereklerden alınǵan hár qıylı kózqaraslardıń maqalaǵa qosılıwı múmkinligi haqqındaǵı dodalaw maydanları bolıp esaplanadı. Usı tárizde erisilgen nátiyje, sonıń ishinde, kelispeytuǵın kózqaraslar da biytárep hám obyektiv bola aladı. Temanı dodalawǵa kirgiziwdiń eń jaqsı usılı temaǵa tolıq baǵdarlanǵan kirisiwlerdi kirgiziw bolıp tabıladı. (Jeke pikirler ushın qosımsha forum retinde qarań: m:Wikibate proposal.)
• Kelisimli bolıń: Talqılaw beti tekseriwge baylanıslı barlıq áhmiyetli máseleler ushın qolaylı orın. Oǵan dereklerdi tabıwda járdem soraw, hár qıylı dereklerden alınǵan qarama-qarsı maǵlıwmatlardı salıstırıw hám dereklerdiń isenimliligin tekseriw kiredi. Jazılǵan pikir ushın onı tastıyıqlaytuǵın dálilleytuǵın derekti soraw, kóbinese bul pikirdiń kerisin dálillewge urınıwdan jaqsıraq.
• Materialdı bólisiń: Talqılaw beti tekseriwden ótpegenligi sebepli maqaladan óshirilgen kirgizbelerdi saqlaw maqsetinde paydalanılıwı múmkin. Bul arqalı jetispeytuǵın resurslardı tabıw ushın waqıt jumsalǵan boladı. Jańa kirgizbeler ayırım waqıtları tayar bolıp, maqalaǵa qosılıwı múmkin bolǵansha talqılaw betinde tayarlanıwı múmkin.
• Ózgerislerdi talqılań: Talqılaw beti ózgerisler haqqında talqılaw ushın, ásirese, járdemshi bólim esaplanadı. Eger siz kirgizgen ózgerisler biykar etilgen bolsa hám siz onı jáne biykar etken bolsańız, talqılaw betine hám betti saqlaw bólimindegi juwmaqlaw bólimine kirgizgen ózgerislerińiz haqqında túsinik beriw jaqsı ámeliyat esaplanadı. Talqılaw beti, sonday-aq, basqalardıń ózgerisleri haqqında soraw beriwińiz múmkin. Eger birew siz ózgeris kirgizgeninizdi sorasa, tolıq túsindiriw menen juwap beriwińizge isenim payda etiń.
• Usınıslar kirgiziń: Maqalanıń jańa usınısları, eger qáleseńiz, basqa paydalanıwshılar tárepinen dodalanıwı múmkin. Usınıslar arnawlı detallar, betler háreketi, maqalalardı birlestiriw yamasa uzın maqalanı óz aldına kishi maqalalarǵa ajıratıw sıyaqlı ózgerisler haqqında bolıwı múmkin.

Durıs qosımshalar

• Jazǵanlarıńızǵa qol qoyıń: Jazǵanlarıńızǵa qol qoyıw ushın tilda belgisin (~~~~) jazıwıńızdıń aqırına qoyıń. Betti saqlaǵan waqtıńızda bul belgiler paydalanıwshı atıńız hám kún, jazıw waqtı haqqındaǵı maǵlıwmatlar menen ózgertiledi. Máselen, ~~~~ jazıp, betti saqlaw túymesi basılǵanda nátiyje kórinedi, máselen, -Jimbo Wales 06:39, 2008-jıl 4-sentyabr (UTC). Wikipediada anonim túrde jazıw múmkin emesligin umıtpań, sebebi siz betke jazbasańız da, dizimnen ótken bolsańız da, paydalanıwshı atıńız dizimnen ótpegen bolsańız da, IP-mánzilińiz ótmish betine saqlanadı.

• Qopal sóylewden saqlanıń: Hár qanday tartıslarǵa sebep bolıwı múmkin bolǵan kursiv, qalıń hám ásirese, ÚLKEN HÁRIPLERDEN ibarat jazıwlardı jazbawǵa itibar beriń. Sebebi bunday usıldaǵı jazıwlar BAQÍRÍW hám JEKIRINIW mánislerin de ańlatqanı ushın adamlar tárepinen túrlishe talqılanıp, keskinliklerge sebep bolıwı hám Wikipedia ishinde unamsız jaǵdaylardı keltirip shıǵarıwı múmkin. Biraq, gáp ishindegi belgili bir sóz yamasa sóz dizbeklerin gápten ajıratıw, sóz dizbeklerin gáp ishinde ajıratıp kórsetiw hám basqa da áhmiyetli sózlerdi bildiriw maqsetinde kursivli jazıw qollanılıwı múmkin. Mısalı: Kitap temaları, bólim astbólimleri sıyaqlı.
• Qısqa hám mazmunlı jazıń: Eger jazıwınız 100 sózden uzın bolsa, qısqartıwdı oylań. Uzaq hám quramalı xabarlardı túsiniw qıyın hám kóbinese yamasa pútkilley oqılmaydı, yamasa nadurıs túsiniledi. Eger siz tereńlestirilgen tolıq dodalawdı jazıwdı qáleytuǵın bolsańız, tómende bunı qalay ámelge asırıw múmkin ekenligin kóriwińiz múmkin.
• Talqılaw betlerin taza saqlań: Sáykes keliwshi betti derlik jámlengen hám tartımlı bolıwına háreket etiń. Qaytalawlar, bas qatırıwshı tártipsizlikler hám zárúr bolmaǵan temaǵa baylanıslı bolmaǵan sózlerden saqlanıń. Eger siz beriwdi qálegen xabar hám usı xabardı beriwde paydalanǵan usıl ortasında durıs teń salmaqlılıq ornatsańız, pikirlesiwde qatnasıwdı támiyinlew múmkin.
• Arxivlerdi oqıń: Kóplegen maqalalardıń talqılaw beti arxiv betleri menen baylanısqan bolıp, olarda aldınǵı talqılawlar bar. Eger siz maqalada qatnasıwdı jańa baslaǵan bolsańız, tiyisli arxiv betlerin oqıp shıqqanıńızǵa isenim payda etiń. Arxiv betlerinde tema boyınsha aldınnan ótkerilgen dodalawlar, kelispewshilikler hám olardı sheshiw boyınsha islep shıǵılǵan usıllardı kóriw múmkin. Sorawlarıńız hám/yamasa shaǵımlarıńızǵa aldın berilgen juwaplardı kóriwińiz múmkin.
• Qaraqalpaq tilinde jazıń: Siz jazıp atırǵan jazıw kimge bolsa da Qaraqalpaqsha Wikipediada talqılaw betlerinde qaraqalpaq tilin paydalanıwdı abzal kóriń. Bunıń sebebi jazıw mazmunınıń barlıq oqıwshılarǵa túsinikli bolıwı zárúrliginen ibarat. Eger basqa tilden paydalanıw zárúr bolsa hám siz usı basqa tilden paydalanatuǵın bolsańız, eger múmkin bolsa yamasa qáleseńiz, túsiniklerdiń astına awdarmanı qoyıń. Eger bunı isley almasańız, jazıwdı awdarıp beretuǵın 3-adamlardı tabıw yamasa Wikipedia:Elshixana arqalı awdarmashı tabıw sizlerdiń moynıńızda.
• Pikirińizdi bildiriń: Ayırım betler sizdi tema boyınsha pikir bildiriwge shaqırıwı múmkin. Bunday jaǵdayda óz pikirińizdi kórsetip atırǵan gáptiń basına bir maqala belgisin (*) qoyıp, tiyisli atamanıń astına jaylastırıń. Pikirrińizdi qısqa hám anıq jetkeriń. Bul ıqtıyarlı (hám biraz tartıslı). Siziń pikirińizge tiykar bolǵan bayanatıńızdıń sapası pikirińizge belgili dárejede salmaqlılıq qosıwı tábiyǵıy. Talqılanıp atırǵan máseleniń orınlanıwı boyınsha aqılǵa uǵras túsinik beriw ushın waqıt ajıratıń. Wikipedia birge islesiw arqalı rawajlanıp baradı. Joqarıda aytıp ótilgenindey (~~~~) belgisi menen qol qoyıwdı umıtpań. Sonı umıtpań, dawıs beriw diskussiyanıń ornın basıwshı alternativ emes. Wikipedia:Dawıslar sanı talqılaw ornın basa almaydı.
• Talqılawdı bir orında ótkeriń: Bir talqılaw temasın bir neshe talqılaw betlerinde qayta jazıwdan saqlanıń. Bul jaǵday tartıstı bólek-bólek etip, pikir alısıwǵa tosqınlıq etedi. Bul kerekli jaǵday emes hám álleqashan jeterli dárejede talqılanǵan temanıń kereksiz tákirarlanıwına, dáslepki jaǵınan talqılanıwına alıp keledi. Onıń ornına talqılawdı belgili bir orında ótkeriwdi talap etiń. Bul ámeldegi bet bolıwı menen bir qatarda, jańadan jaratılatuǵın joybar beti de bolıwı múmkin. Eger zárúrlik bolsa, dodalaw dawam etip atırǵan ayrıqsha orınlarda belgilengen oraylıq talqılaw betiniń siltemesin kórsetiń. Qosımsha qarań: mb:ForestFire

  Eger siz hár qıylı orınlarda bóleklerge bólingen talqılawǵa ushırassańız, barlıq xabarlardı bir oraylıq orınǵa alıp barıw maqsetke muwapıq bolıwı múmkin. Bunday jaǵdayda kóshirilip atırǵan talqılaw xabarlarınıń dáslepki jaylasqan jerindegi jazıwlar óshirilip, olarǵa jaǵa jaylasqan jerdiń mánzili silteme sıpatında jazılıwı kerek.

• Jańa paydalanıwshılarǵa keńpeyillik kórsetiń: Wikipediaǵa jańadan kelgenler siyasat hám qaǵıydalar menen tanıs bolmawı múmkin. Wikipedia:Ótinish, jańa paydalanıwshılardı tislemeń. Egerde jańa kelgenlerdiń birewi qaǵıydanı shetke shıǵaratuǵın is-háreketler qılsa, bul bilqastan islengen qátelik dep oylań. Ádep-ikram hám miyrim-shápáát penen olardıń qátelerin kórsetiń hám tiyisli qaǵıydalar/qollanbalar/járdem betlerine qaratıw arqalı jaqsıraq kózqarastı usınıs etiń.

Qabıl etilmeytuǵın háreketler

Ótinish, tómendegi bántlerdiń ayırımları Wikipedianıń rásmiy qaǵıydaları bolıwı múmkin bolǵan jeterli dárejede áhmiyetke iye ekenligin esapqa alıń. Bul maqalalardıń buzılıwı (ásirese, tákirarlanıwshı buzılıwlar) shaxsqa Wikipediada jazıwdı qadaǵan etiwge sebep bolıwı múmkin.

• Kontentke pikir bildiriń, paydalanıwshıǵa emes: Shaxsqa hújim — bul basqa shaxs ushın unamsız gáp aytıw. Bul, ádette, tómendegishe boladı:
  • Aqıretlemeń: Ad hominem hújimlerinde qatnaspań. Mısalı, birewdi aqmaq, ótirikshi, rasa ayırıwshı hám t.b. dep atamań. Onıń ornına kirgizilgen ózgeriske baylanıslı mashqala ne ekenligin hám onı qalay dúzetiw múmkinligin túsindiriń.
  •  Adamlardı qorqıtpań: Mısalı, adamlardı «tanıs administratorıńız» yamasa siz benen pikirles emesligi ushın tosqınlıq etiw menen qorqıtpań.
  • Huqıqıy jaqtan qorqıtpań: Dawa qoyıw menen qorqıtıw Wikipedianıń islewine tásir kórsetiwi múmkin.
  • Hesh kimniń jeke maǵlıwmatların járiyalamań: Basqa paydalanıwshı haqqında biliwge bolmaytuǵın hár qanday jeke maǵlıwmatlardı usı paydalanıwshınıń ruqsatısız jazǵanlar hár qanday múddetke, sonıń ishinde, sheklenbegen múddetke bloklanıwı múmkin.
  • Basqalardıń jazǵanların aljastırmań: Basqalardıń jazǵanların aljastırmań. Esapqa alıwlar ámelge asırılǵan áhmiyetli ózgerislerdi tolıq kórsetiwi kerek. Bul ádette mınaday mánilerdi ańlatadı:
    •  Basqalardıń jazıwların ózgertpeń: Basqalardıń jazıwların olardıń biliwinen tısqarı ózgertiwden saqlanıń. (Bul jaǵdaydan ar-namıstı kemsitiwshi, qaralawshı, jala jabıwshı hám jeke maǵlıwmatlar kirgizilgen qadaǵan etilgen kontent tısqarı esaplanadı). Talqılaw betlerine jaylastırıw standartların kirgiziwdiń keregi joq, sol sebepli orfografiyalıq qátelerdi, grammatikalıq qátelerdi hám t.b. dúzetiwdiń keregi joq. Talqılaw betlerinde jazǵanlarıńızdı dúzetken adamlarǵa bul jaǵday qolaysız boladı. Hesh qashan basqa paydalanıwshınıń jazǵanların mazmunın ózgertiwshi tárizde qayta redaktorlamań, jazbań.
    •  Qol qoyılmaǵan pikirler: Eger bir adam jazıwınıń aqırına qol qoyıwǵa itibar bermese, sol adamnıń jazıwınıń aqırına {{Qol qoyılmaǵan}} úlgisin qosıwıńız múmkin.
    • Óz jazbańızdı da ózgertpeń: Wikipediada óz jazbańızdı dúzetiwińiz yaki óshirip taslawıńız múmkin ekenligi belgili. Biraq bul jaǵday siziń dáslepki jazǵanlarıńızǵa juwap bergen paydalanıwshılardıń keyin jazǵan jazıwların mánissiz qılıp qoyıwı yamasa mánisin ózgertiwi múmkin. Sonıń ushın óz jazǵanlarıńızdı da ózgertpewińiz, óshirmewińiz kerek. Házirshe hesh kim juwap jazbaǵan bolsa da, jazǵanlarıńızdı oqıǵan bolıwı múmkin. Sol sebepli jazıwdan aldın oylanıń! Eger siz óz pikirińizdi ózgertiwdi, dúzetiwdi qáleseńiz - belgisi menen ózińiz biykar etken jazıwdıń ústinen sızıp shıǵıń hám endi bul jazıwıńız ótmishte qalǵanın, endi haqıyqıy emesligin bildiriń. Jazıwdıń ústingi bólegin boylap sızıw ushın sızıwdı baslaytuǵın jerge <s> hám sızıqtı tamamlaytuǵın jerge </s> belgilerin qoyıń. Mısalı, <s>burın jazǵan jazıwım<s> jazıwı burın jazǵan jazıwım retinde kórsetiledi.
    •  Keshirim soralǵan ayrıqsha jaǵday: Eger gápinizdi qaytarıp alıwdı qáleseńiz, qaytarıp alıwıńız kerek bolǵan jazıwdıń ornına «[Oylanbay jazılǵan unamsız gáp avtor tárepinen óshirildi.]» degen xabar jazıwıńız múmkin hám usı tárizde siz birinshi jazǵanıńızǵa berilgen juwaplardıń hawada qalıwına, mánissiz bolıp qalıwına tosqınlıq etken bolasız. Bunıń esesine basqalar qálese, «[óshirilgen jazıwǵa kirgizilgen qolaysız juwap óshirip taslandı. Keshirim qabıl etildi.]» dep jazıwı múmkin.

Kelispewshilikler

Eger sizde kelispewshilik yamasa paydalanıwshınıń minez-qulqı menen baylanıslı mashqala bolsa, Wikipedia:Kelispewshiliklerdi saplastırıw menen tanısıń.

Texnikalıq hám forma standartları

Bet dúzilisi

• Xabarǵa juwabıńızdı xabar astına jazıń: Solay etip, keyingi kelgen xabarlar sziiń juwabıńızdıń astına ótedi hám usılayınsha dawam etedi. Bul ózgertiw xabarlardıń jazılıw tártibi boyınsha kóriniwdi ańsatlastıradı. Eń tómendegi xabar eń sońǵı jiberilgen xabar boladı.
• Hár túrli máseleler arasında boslıq qaldırıw: Eger bir tema bir neshe noqatlarǵa beyimlesken bolsa, bul noqatlardı paragraflar aralıǵın qaldırıw arqalı ajıratıw jáne de anıq hám túsinikli bolıwın támiyinleydi. (M: aralıqta bos qatar qaldırıw)
• Xabarıńızdı qatar ishinen baslań: Usı tárizde jazǵan jazıwıńızdıń aldınǵı hám basqa bir adam tárepinen jazılǵan jazıwdıń dawamı emes, al ózińiz tárepinen jazılǵan jańa jazıw ekenin ańsat kóriw múmkin. Talqılaw betinde jazıwıńızdı baslawda jańa qatar yamasa abzac jaratıń. Qálegen qatardı ishinen baslaw usılınan paydalanıwıńız múmkin. Áhmiyetlisi, izbe-iz kelgen xabarlardı ańsat baqlap barıwdı támiyinlew. Bunıń eki tiykarǵı usılı bar:
  1. Hárbir jańa xabardı kim jazsa da, qatarǵa bir ishkeriden baslanadı: Jańa xabar qatar ishinen baslanǵanda, onnan keyingi jańa xabarlardıń hárbiri ushın qos noqat (:) belgisi járdeminde bir bet bos orın qaldırıladı. Xabar júdá uzın bolıp, ol bettiń oń tárepine ótkennen keyin, keyingi xabardı jazıwshı xabardıń shep tárepinen baslaydı. Ayırım waqıtları xabarlasıwlar shınjırı óz aldına terek dizimin payda etip, tolıq bir temanı talqılawı múmkin.
  2. Hár bir paydalanıwshı ózine tán dárejede qatardı ishinen baslaydı: Talqılawdı baslaǵan birinshi paydalanıwshı óz xabarın eń shepten baslaydı. Keyin jazatuǵınlar jazıwların baslaǵanda qos noqat (:) belgisi járdeminde bir bet ishinen jazadı. Náwbettegi xabardı jazıwshı izbe-iz qos noqat (:::) belgisin, jáne náwbettegi xabardı jazıwshı úsh qos noqat (:::) belgisin qollanadı hám solay dawam etedi. Talqılawdı baslaǵan paydalanıwshı qaytadan jazǵan waqıtta jáne shepten baslaydı hám onnan keyin kelgenler jáne qos noqat (:) belgisi menen jazǵanların hárbir betke kirgiziwdi dawam ettiredi. Hár bir paydalanıwshınıń óz xabarı vertikal túrde óz tegisliginde boladı. Biraq bul usıl pikirlesiwde paydalanıwshılardıń sanı kóp bolǵanda jetkiliksiz bolıp qalıw tendenciyasına iye. Sebebi qatnasıwshılardıń sanı kóp bolǵanda qatarlardı ishten baslaw ushın zárúr bolǵan vertikal betlerdiń hár qıylı dárejeleri sheklengen.

Talqılaw betlerindegi jańa temalar hám atamalar

Qosımsha qarań: Wikipedia:Stillik qollanba/atama

• Taza temanı basqa tekstlerdiń astınan baslań: Eger xabarıńızdı bettiń joqarı bólegine qoysańız, ol tártipsizlikke alıp keliwi múmkin yamasa aqırǵı qosılǵan tekst tómengi bólegine qoyılıwı kútilgenligi sebepli názerden shette qalıwı múmkin. Eń soń jazılǵan xabar bettiń tómengi bóleginde bolıwı kerek.
• Taza tema ushın jańa atama ashıń: Bunda bólimler ajıralıp turadı hám bettiń joqarısında mazmunı kórsetilgen bólim payda boladı. Siz == belgilerin gápinizdiń eki qaptalına qoyıp, máselen, (Mısalı: == Atama ==) jazıw arqalı tema dúziwińiz múmkin. Sonday-aq, «redaktorlaw» túymesiniń shep tárepinde jaylasqan «+» túymesin basıp, tema/titul bólimine atama jazıwıńız múmkin.
• Temalardaǵı atamalardıń maqala menen baylanısın saqlań: Atamaǵa qaraǵanda maqalanıń qaysı tárepin talqılamaqshı ekenligińizdi túsinip alıwıńız kerek.
• Atamalardıń biytárep bolıwın támiyinleń: Atama temanıń qanday ekenligin kórsetiwi kerek, biraq temanı belgili bir kózqarastan kórsetpewi kerek.
  •  Atamalarda maqtaw jazbań: Siz belgili bir xabardı maqtawdı qálewińiz múmkin, biraq bul siz benen kelispeytuǵınlarǵa unamawı múmkin.
  •  Atamalarda sın kózqarastan pikir bildirmeń: Buǵan maqalanıń mayda-shúydesine sın kózqarastan pikir bildiriw kiredi. Bul jaǵday sınǵa alınıp atırǵan bólim avtorları tárepinen ózlerine hújim sıpatında talqılanıwı múmkin.
  •  Hesh qashan atamalarǵa paydalanıwshı atların jazbań: Bul basqalardıń talqılawda qatnasıwına tosqınlıq etedi. Atama barlıq paydalanıwshılardı temaǵa juwap beriwge shaqırıwı kerek.
• Bólimniń atı redaktorlaw mazmunında kóriniwi múmkin: Eger siz pútkil bet ushın joqarıdaǵı redaktorlaw túymesin emes, al atamalar janındaǵı redaktorlaw túymesin bassańız, bul process avtomatikalıq túrde ámelge asadı hám ótken yamasa aqırǵı ózgertisler betinde de adamlar siziń bet ishinde qaysı atamanı ózgertkenińizdi kóriwi múmkin.
• Jaqsı ámeliyatqa bir mısal: Eger Dinozavr maqalası menen mashqalańız maqalada «Barlıq dinozavrlar eki ayaqta júredi» degen bolsa, talqılaw betine barıp «Bul maqala pútkilley nadurıs hám aqmaqlıq» yamasa «Dinozavrlardıń eki ayaqta júredi dep tek ǵana aqmaqlar oylaydı» dep jazbań. Onıń ornına atamalarıńız siz benen kelispeytuǵınlardı da qanaatlanıwshılıq penen kútip alıwına itibar beriń. Máselen, «Barlıq dinozavrlar eki ayaqta júrgen be?», «Dinozavr háreketleri», «Brontozavr tórt ayaqta júrgen» sıyaqlı variantlardı sınawıńız múmkin.

Belgilew

• Tipografiyalıq tártipten tısqarıǵa shıǵıwda arqayın bolıń: Wikipedia:Stillik qollanba maqalalar ushın. Talqılaw betlerinde bolsa sózińiz túsinikli bolıwı ushın qálegenińizdi isleń. Sonıń menen birge, tómendegi pikirlerge itibar beriń.
• HTML belgilewlerinen paydalanıwdan saqlanıń: Ekvivalent wiki-belgilewler durıs isleytuǵın jerlerde maqsetke muwapıq emes. Siz ózińiz jazǵan hám óz kúshin joǵaltqan xabarlardıń ústine sızıp qoyıwda qollanatuǵın <s> (ústin sız) belgisi, joqarıda da aytıp ótilgenindey, ayrıqsha jaǵday bolıp esaplanadı.

Baylanıslar, waqıt maǵlıwmatı hám bet atı

• Silteme kirgiziwde arqayın bolıń: Hár jerde bolǵanı sıyaqlı talqılaw betlerinde de maqalalarǵa siltemeler kirgiziw paydalı. Bar bolmaǵan maqalalarǵa silteme beriw usı bos maqalalardı Talap etilgen betlerge kirgiziwdi támiyinleydi.
• Sáne, waqıt haqqındaǵı maǵlıwmatqa silteme beriwde UTCdan paydalanıń: Betke ózgeris kirgiziw yamasa betti kóshiriw sánesin kórsetiwde UTCdan paydalanıw basqa avtorlardıń jumısın ańsatlastıradı.
• Bet atı haqqında sóz bolǵanda házirden baslap qollanılatuǵın atamadan paydalanıń: Bul jaǵday bet kóshirilgende de (máselen, qayta atalıwında) qollanıladı. Bet kóshirilgen jaǵdayda talqılaw beti de kóbinese kóshiriledi. Eger siz eski atamańızdan paydalanıwda dawam etseńiz, jańa paydalanıwshılar ushın bul jaǵday túsiniksiz boladı.

Talqılaw betleri júdá uzın bolsa

• Arxivleń, óshirmeń: Eger talqılaw beti júdá uzın bolsa hám kóp orın iyelese yaki talqılawdaǵı bir bólim talqılawı tamamlansa, talqılaw betin óshirmeń, arxivleń. Bul ámel tómendegishe ámelge asırıladı:
  • Jańa bet jaratıń. Járdem:Bet qalay jazıladı? hám tolıq maǵlıwma ushın Járdem:Talqılaw betleri qalay arxivlenedi?.
  •  Arxivlenetuǵın betti talqılaw yamasa Wikipedia talqılaw maydanı atına jayǵastırıń.
  • Jańadan jaratılǵan betke sáykes atama beriń. Ádette, bul ámel dáslepki atqa «arxiv» sózin qosıw arqalı ámelge asırıladı.
  • Arxiv beti arxivlengen kontent qay jerden alınǵanın kórsetiń hám siltemeni kirgiziń.
  • Arxivlewdi qálegen kontentti, jazıwdı dáslepki betten kesip alıń hám jańa jaratqan arxiv betińizge jayǵastırıń.
  • Bosap qalǵan dáslepki betke arxiv betin kórsetiwshi siltemesin jayǵastırıń.
  •  Ayırım waqıtları kóp waqıt dawam etken tartıstıń qısqasha mazmunın dodalaw betinde qaldırıp, tolıq versiyasın arxivlewdi maqul kóriwińiz múmkin. Bunda da tolıq versiyanıń ornın kórsetiwshi siltemeni kirgiziń.
• Juwmaq shıǵarıń («qayta redaktorlaw»): Talqılaw betlerin ne ushın hám qalay redaktorlaw haqqındaǵı maǵlıwmatlardı kóriń. Wikipedia:Refactoring talk pages

Talqılaw betiniń úlgi formatı

Stil standartlarına kirmeytuǵın jaǵdaylardan biri máseleni talqılaw betiniń úlgisi formatı. Bunıń sebebi, talqılaw betleri eki óz aldına wazıypanı, yaǵnıy hújjetlestiriw hám talqılaw wazıypasın atqaradı. Hár eki temanı ajıratıw ushın 1-dárejeli atamalardan paydalanıw usınıs etiledi. Mısalı:

=Hújjetlestiriw=
=Talqılaw=

yamasa

= Hújjetlestiriw =
= Talqılaw =

Keri jaǵdayda, «section=new» yamasa «+» túymesi basılǵanda 2-dárejeli atama ashıladı. Joqarıdaǵı mısaldan paydalanıp, talqılaw betinen paydalanıp, talqılawlardıń «Talqılaw» ataması astına jayǵastırıw usınıs etiledi.

Paydalanıwshı talqılaw betleri

Paydalanıwshılarǵa «óziniń talqılaw betlerinen» jazıwlardı óshiriw qadaǵan etilmegen hám biraz erkinlik berilgen. Biraq, óshiriwdiń ornına arxivlewdi abzal kóriw kerek. Bul boyınsha tolıq maǵlıwmat alıw ushın: Wikipedia:Paydalanıwshı beti.

Qosımsha qarań

• Wikipedia:Etiket
• Wikipedia:Paydalanıwshı beti
• Wikipedia:Óshirilgen pikirlerdi qaytarıw