Wikipedia:Batıl bol
 | Bul bet Wikipedia ushın qaǵıyda bolıp esaplanadı. Qollanılıwı kerek bolǵan standart sıpatında bettiń mazmunı wikipediashılar tárepinen qabıl etiledi. Biraq onı ózgertiw múmkin hám aqılǵa urǵas islew kerek. Betke ózgeris kirgiziwden aldın bul ózgerislerdi wikipediashılardıń tastıyıqlaǵanına isenimińiz kámil bolsın. Eger bir maqalanı maqsetke muwapıq emes dep esaplasańız, talqılaw betinde sebepleri menen anıq kórsetiń. |
Xosh keldińiz! Wikipedia eger hámme batıl bolsa ǵana tabıslı boladı. Wikipedianı aylanıp kóriń, heshteńe qılmastan anaw yamasa mınawdı ózgertiń, ushırasqan qátelerdi durıslań, bilimiń menen kemshiliklerdi saplastırıń, qollanılıp atırǵan tildi sulıwlastırıń! Solay islegeniń, álbette, durıs! Sennen kútilip atırǵan nárse de sol. Bálkim, oǵan iseniw qıyın shıǵar, biraq Wikipedia mine usınday bolıp rawajlanbaqta. Álbette, bul arada onıń jaqsı kózqarasın hám húrmetin joytpaw kerek.
Jaqında túsinesiz, jazıwshınıń jazǵanların saqlawı hám olarǵa «iyesi» bolıwǵa bolǵan umtılısı Wikipedia ushın paydalı emes.
Wikipedia avtorları jazǵanların ózgertiwge dáslepki waqıttan baslap shın kewilden qatnas jasawı hám jazǵan tekstleri menen artıqsha emocional baylanıs ornatpawı kerek. Sebebi hesh kim «HÁMME ZATTÍ» bilmeydi hám tek bir neshe adam birleskende ǵana haqıyqıy jaqsı nátiyjege erisiw múmkin. Sonıń ushın jazǵanlarına ózgeris kirgizilgende de «MÁRT» bolıwıń kerek, sonı umıtpa 
.
Orfografiyalıq hám lingvistikalıq qáteler sıyaqlı mayda-shúyde nárselerdi dúzetiwińizge hesh kim qarsılıq kórsetpeydi, biraq eger túpkilikli ózgerisler kirgizseńiz, olardı isenimli derekler tiykarında dálilley alıwıńız kerekligin umıtpań. Úlken ózgerislerden aldın ózgertpekshi bolǵan nárseńizdi temanıń talqılaw betinde kórsetiwińiz durıs boladı.
Eger siz házil yamasa biymáni bir nársege dus kelseńiz, márt bolıń, ózińizge iseniń hám oǵan da qol urıń. Qáteliklerdi saplastırıń, maqalanı tiklewge háreket etiń. Biraq, eger hesh qanday paydası bolmasa, óshiriw qaǵıydaları boyınsha óshiriw dizimine kirgiziń.
Endi jigerli bolǵan bolsań hám redaktorlawdı úyreniwdi qáleseń, bul jerge keliwiń kerek.
Endigiden bılay batıl bolsań, kewliń kóterilip tursın. Haq penen nahaqtı ayırıw qábiletińiz hesh qashan soqır bolmasın! Birlikten kúsh shıǵadı! Ne depti? Bir qoldıń nesi bar, eki qoldıń sesti bar!