Wikipedia:Etiket
 | Bul bet Wikipedia ushın qaǵıyda bolıp esaplanadı. Qollanılıwı kerek bolǵan standart sıpatında bettiń mazmunı wikipediashılar tárepinen qabıl etiledi. Biraq onı ózgertiw múmkin hám aqılǵa urǵas islew kerek. Betke ózgeris kirgiziwden aldın bul ózgerislerdi wikipediashılardıń tastıyıqlaǵanına isenimińiz kámil bolsın. Eger bir maqalanı maqsetke muwapıq emes dep esaplasańız, talqılaw betinde sebepleri menen anıq kórsetiń. |
Jazıwlardıń jazıwshıları da bar. Shıǵarmalardıń mazmunın qattı sınǵa alsańız, olar ókpelep qalıwı múmkin. Bunday qattı sın menen siz tartıstı biytárep dárejeden jeke dárejege alıp shıqqan bolasız. Paydalı hám dóretiwshi diskussiya bolatuǵın jerde jeke gúreske aylanadı. Optimizm menen ádewir tájiriybeli birge islesiwge erisiw múmkin.
Bul bette Wikipedianıń bes tiykarǵı tiregi menen bir qatarda basqa da áhmiyetli ádep-ikramlılıq qaǵıydaları keltirilgen.
- Shaxsqa hújim: Talqılawlarda hám sın pikir bildirgen waqıtta ádepli bol, qarsıńdaǵı adamdı renjitpewge itibarlı bol. Kritikanıń kóp jolları bar, eń az azap beretuǵın joldı tańlań.
- Jaqsılıqqa iseniń: Qarsıńdaǵı turǵan adam bilimli adam ekenligine hám onıń bilimlerin Wikipediaǵa ótkeriwdi qáleytuǵınına bárqulla iseniń. Az sanlı azshılıqtı esapqa almaǵanda, bul jerdegi adamlardıń maqseti de sizler sıyaqlı Wikipedianı keńeytiw hám jaqsılaw. Sizge bir qaraǵanda biymáni bolıp kóringen nársege, bálkim, basqa birewdiń aqılǵa muwapıq sebepleri bar shıǵar. Sebebin túsindirmesten ózgerislerdi qaytadan óshiriw de húrmetsizlik boladı. Islengen ózgeriske ne ushın mánis bere almaǵanıńızdı sol paydalanıwshınıń talqılaw betinde túsindiriń.
- Janǵa jaqın bol: Janǵa jaqın bolıw hám optimizm — tájiriybeliliktiń dáliyli. Bilim almasıw hám dóretiwshilikke imkaniyat jaratatuǵın nárse — optimizm. Eger oqıp atırǵanlarıńız ózińizge unaytuǵın bolsa, bunı anıq aytıp beriń. Gózzal bir nárseni aytıw onsha qıyın emes, biraq onıń motivaciyaǵa tásiri júdá úlken. Sizge qaratılǵan sorawlardı juwapsız qaldırmaw da keńpeyillikke kiredi.
- Járdemshi bol: Jańa paydalanıwshılardı jaqsı qarsılań. Olarǵa járdem qolın soz hám jol kórset, Wikipedia «toǵay»ında adasıp qalmasın. Sizge jiberilgen xatlarǵa juwap jazıń hám járdem berilgen bolsa, minnetdarshılıq bildiriń. Múnásibet ornatıwǵa bolǵan biykar háreketler oǵada ashınarlı.
- Tınısh bolıń: Hár bir insannıń waqtı-waqtı menen jaman kúni boladı hám sol kúni keypiyatı ádettegiden tómen bolıwı múmkin — tereń dem alıń hám tınıshlanıń. Sonda stressińiz azayadı, onsha ázzi bolmaysız hám durıs háreket etesiz.
- Hámmemiz bul jerge ıqtıyarlı túrde keldik: Hesh kim bul jerde óz miyneti ushın pul almaydı. Eger birewden bir nárseden sorasań, onnan ótinish et, biraq onıń tilegen nársesi dárhal orınlanıwın kútiwge haqıń joq! Bálkim, ol usı waqıtta Wikitánepis shıǵar?! Biz hámmemiz Wikipedianıń bir bólegimiz — Sen óziń jazasań hám bir nárse islewiń múmkin. Márt bol! Eger basqalar seniń islegen islerińdi unatpasa, talqılaw betlerinde ya túsinip jol tabasań, ya islegen isin qaytarıp alasań.
- Birme-bir kóriw: Qarsıńdaǵı adam menen birme-bir baylanıstı ornatıwǵa háreket etiń hám máselen, Wikipedia:Sáwbetten paydalanıń. Eger onıń ne islep atırǵanına isenimsiz bolsań, onda onıń kózqarasların bilip alıwıń múmkin bolǵan tájiriybeli doslar tabıladı. Solay etip, redaktorlawlar soqlıǵısıwına aylanıwı múmkin bolǵan kelispewshilikti tınısh jol menen sheshiw múmkin.
- Hámmeniń kózinshe jánjel shıǵarma: Eki adam bir-biri menen urısıp qalsa, hámmeniń ayıbına ushırawıń múmkin. Bul máseleni sheshiw ushın da qolaylı emes, sebebi hesh birimiz hámmeniń kózinshe nahaq bolıp, betimizdi qaralatıwdı qálemeymiz! Sonıń ushın bunday jaǵdaylarda elektron pochta, Wikipediya:Sáwbet, ICQ yamasa jeke málimlemeni qorǵaytuǵın hár qanday basqa baylanıs usılınan paydalanıń.
- Keshir hám umıt: Uzaq waqıttan berli Wikipediada islep kiyatırǵan hár bir adam aqır sońında keminde bir mártebe birew menen qarsı kelgen. Bunday waqıtlarda ókpelew hám qısınıw tábiyiy, biraq kek saqlawshı bolmań: ókpelewlerdi umıtıwdı biliń, óziń de bárqulla keshirim sorawǵa ashıq bol hám kelispewshiliklerdi tiyisli waqıttan keyin juwmaqlań. Múmkin, waqıya sen túsingendey emes shıǵar, múmkin, hámme nárse aljasıwdıń aqıbeti shıǵar.