Wikipedia:Mánissiz kontent
 | Bul bet Wikipedia ushın qaǵıyda bolıp esaplanadı. Qollanılıwı kerek bolǵan standart sıpatında bettiń mazmunı wikipediashılar tárepinen qabıl etiledi. Biraq onı ózgertiw múmkin hám aqılǵa urǵas islew kerek. Betke ózgeris kirgiziwden aldın bul ózgerislerdi wikipediashılardıń tastıyıqlaǵanına isenimińiz kámil bolsın. Eger bir maqalanı maqsetke muwapıq emes dep esaplasańız, talqılaw betinde sebepleri menen anıq kórsetiń. |
Wikipedia paydalanıwshılarınıń ózgerisleri keń kólemge tarqalıwı múmkin, tańlanǵan maqalalardı jazıwshılar kóplegen maqalalarǵa úles qosadı, biraq olardıń jazǵanları mazmunsız bolıwı da múmkin. Bul túrdegi túsiniksiz ózgerisler eki túrge bólinedi:
- Pútkilley mánissiz, máselen, hesh qanday mániske iye bolmaǵan tekstler (lorem ipsum) yamasa táwekel tekstler (klaviatura túymelerin táwekel basıw).
- Bir nárseni ańlatıwǵa urınıp atırǵan, biraq júdá aljasıq bolǵanı ushın túsindirip bolmaytuǵın tekstler.
Mınalar menen aljastırmań...
[derekti redaktorlaw]Tómendegi kriteriyalardı qanaatlandırıwshı bántler mazmunsız mazmunǵa iye bolıwına qaramastan, tez óshirilmewi kerek. Bul jaǵdaydı sheshiwdiń basqa usılları da bar, máselen, mashqalalardı saplastırıw ushın ózgerisler kirgiziw, qaytarıp alıw, teglew yamasa basqa óshiriw kriteriyaların qollanıw.
- Qanshelli biymáni bolmasın, qaralawshı yamasa jala jabıwshı mazmundaǵı kontent isenimli derek tárepinen qollap-quwatlanbasa, bul kontent dárhal alıp taslanıwı hám bul versiyalar administratorlar tárepinen jasırılıwı kerek. Ayrıqsha jaǵdaylarda jala jabıwshı hújjetler qadaǵalawshı tárepinen jasırılıwı múmkin.
- Kóp lingvistikalıq qátelerge iye tekstler sıyaqlı nadurıs jazılǵan kontentti rawajlandırıw múmkin.
- Ishki siltemesi joq maqalalardı {{Ishki siltemesiz}} arqalı belgilewińiz múmkin.
- Shın mánisinde mánissiz bolmaǵan jaǵdayda, latın alfavitinde yamasa qaraqalpaq tilinde jazılmaǵan tekstler.
- Avtorlıq huqıqınıń buzılıwına sebep bolıwı múmkin bolǵan mazmunlı hám mazmunsız kontentler dárhal saplastırılıwı kerek.
- Plagiat. Eger avtorlıq huqıq buzılmaǵan bolsa, buzılǵan kontent yamasa qayta jazıw yamasa tiyisli túrde derek kórsetiw arqalı buzılıwdan azat etiliwi kerek.
Mánissiz kontentke qarsı gúresiw
[derekti redaktorlaw]Mánissiz kontent penen gúresiwdiń túrli jolları bar. Baslanıw ushın ne orınlı bolatuǵının aqıllılıq penen sheshiń.
- Jaqsı jazılǵan maqala penen almastırıń;
- Temanı maqalanıń talqılaw betine kóshiriń;
- Temanı paydalanıwshınıń talqılaw betine kóshiriń;
- Mánissiz kontentti alıp taslaǵannan keyin maqalada qabıl etiletuǵın dárejedegi kontent qalsa, onı alıp taslawıńız múmkin.
Maǵanasız kontent bar redaktorlawlar sınaqtan ótkeriw maqsetinde bolıwı múmkinligin esapqa alıń, bunday jaǵdaylarda jańa paydalanıwshılardı vandalizm dep atamań hám tislemeń, onıń ornına xabar arqalı paydalanıwshını eskertiwińiz múmkin.
Biraq, eger paydalanıwshı kontent mazmunsız emes dep esaplaǵanı ushın narazılıq bildirse, máseleni dodalap, kelisimge keliwge háreket etiń. Atap aytqanda, eger birew «mánissiz kontentti» qabıl etiletuǵın kontentke aylandırıwdı usınıs etse, paydalanıwshıǵa bunı islewi ushın múddet beriń.
Eger maqalada mánissiz mazmunnan basqa nárse bolmasa:
- Dáslep bet tariyxı menen tanısıń. Eger házirgi mazmunsız kontent aldınǵı mazmunlı kontenttiń ústine jazılǵan bolsa, betti mazmunlı aqırǵı versiyasına qaytarıń. Mánissiz kontentke juwapker bolǵan paydalanıwshılardı eskertiń.
- Eger mazmunlı versiyası yamasa maǵlıwmatı bolmasa, maqalanı tez óshiriw úlgisi menen belgilew múmkin.