Wikipedia:Qaǵıydalar menen oynamań
 | Bul bet Wikipedia ushın qaǵıyda bolıp esaplanadı. Qollanılıwı kerek bolǵan standart sıpatında bettiń mazmunı wikipediashılar tárepinen qabıl etiledi. Biraq onı ózgertiw múmkin hám aqılǵa urǵas islew kerek. Betke ózgeris kirgiziwden aldın bul ózgerislerdi wikipediashılardıń tastıyıqlaǵanına isenimińiz kámil bolsın. Eger bir maqalanı maqsetke muwapıq emes dep esaplasańız, talqılaw betinde sebepleri menen anıq kórsetiń. |
Sistema menen oynaw — qaǵıyda hám kórsetpeler menen bilqastan buzıp, Wikipedianıń idealların buzıw bolıp esaplanadı. Sistema menen oynaw, tártipten paydalanıw, jumıstıń sapasın tómenletiwshi jumıs túrinde bolıwı múmkin. Bulardan tısqarı jámiyettiń awızbirshiligine qarsı turıw túrinde de bolıwı múmkin. Kózqaraslardı túsindiriw, ózgerislerge qarsı gúres yamasa bir tárepleme kózqarastı májbúrlew paydalanıwshılardıń ulıwma sistema menen oynaw usılları esaplanadı.
Eger bir paydalanıwshı jámiyet standartlarınan shette qalıw ushın siyasat boyınsha boslıq yamasa hiylekerlikti tapsa, onı jaqsı niyet penen qáte sıpatında qabıl etpewi kerek. Sonıń menen birge, Wikipedia sankciyaları jazalawshı emes, al profilaktikalıq mániste qollanıladı. Ádette qollanılatuǵın usıl, administratorlardan keletuǵın eskertiw sistema menen oynawdıń aldın alıwdıń eń jaqsı jolı. Sebebi, anıq eskertiw minez-qulıqlardıń jaqsı niyetli qátelikler yamasa jaman niyetli oyınlar ekenligin anıqlaydı. Eger paydalanıwshı eskertiwdi esapqa almasa hám óziniń minez-qulqın tákirarlasa yamasa bir túrdegi qarama-qarsılıqtı payda etiwdiń dóretiwshilik usılların tapsa, bul paydalanıwshı kúsh penen aldastırıw niyeti menen sistemanı nadurıs paydalanıp atırǵanın kórsetedi.