Wikipedia:Paydalanıwshı toparları

Wikipediada paydalanıwshı belgili bir háreketlerdi ámelge asıra alıwı, ayırımları sistema tárepinen avtomatlastırılǵan, ayırımları qolda tayınlanıwı kerek bolǵan hár qıylı teglerdi sol paydalanıwshı esabı menen baylanıstırıwdı talap etedi. Hár qanday tegke iye bolǵan paydalanıwshı sol tegke iye bolǵan paydalanıwshılar toparınıń belgili bir ruqsatlarına hám usı paydalanıwshılar toparı tárepinen paydalanıwǵa ruqsat etilgen MediaWiki programmasınıń belgili bir qásiyetlerinen paydalanıw wákilligine iye boladı.

Maǵlıwmat

Paydalanıwshılar ózleri aǵza bolǵan paydalanıwshı toparınıń múmkin bolǵan maksimal ruqsatlarına iye boladı.

Qısqasha

Saytqa kirgen barlıq paydalanıwshılar, sonıń ishinde, anonim úles qosıwshılar '*' toparına kiredi. Jańa dizimnen ótken bir paydalanıwshı paydalanıwshı esabın ashqanınan tórt kún ótken hám 10 háreket islegen jaǵdayda sistema tárepinen avtomat túrde tastıyıqlanǵan paydalanıwshı toparına kiredi. Basqa paydalanıwshılar toparınıń statusları tek ǵana múrájat boyınsha beriledi: máselen, bot ruqsatın alıwdı qálewshi paydalanıwshı usı zárúrligin talap etse, usı ruqsattı alıwı múmkin. Administrator, byurokrat hám tekseriwshi sıyaqlı basqa wákillikler toparı tegleri jámiyet tárepinen Wikipedia:Administratorlardı saylaw arza beti arqalı talqılanıp, kelisilgen jaǵdayda beriledi.

Paydalanıwshı toparları

Tiykarǵı paydalanıwshı toparları

Waqıtsha esaplar

Hesh qanday akkaunt dúzbegen yamasa paydalanıwshı esap betine kirmegen barlıq paydalanıwshılar Wikipedianıń barlıq betlerin (ayırım qorǵalǵan betlerden tısqarı) oqıwı hám yarım qorǵaw rejiminde bolmaǵan barlıq betlerdi redaktorlawı múmkin. Olar qálegen atlar kópligindegi betlerdiń talqılaw betlerin jaratıwı múmkin, biraq Wikipedianıń ayırım orınlarında bet jaratıwda járdem sorawı kerek boladı. Esap dúzbegen paydalanıwshılar ózgeris kirgizgende olarǵa waqıtsha esap beriledi hám bul esap 90 kún dawamında ámel etedi. Waqıtsha esaplar fayllardı júkley almaydı. Olar maqalaǵa bir yamasa bir neshe sırtqı siltemelerdi qosıwdı qálese, CAPTCHA sorawına juwap beriwi hám bet keshin bosatıw ushın tastıyıqlaw siltemesin basıwı kerek. Sonday-aq, barlıq paydalanıwshılar sayt APIsin 500 dizimge alıw skriptleri jaǵdayında erise aladı.

Ayrıqsha funkciyalarǵa ruqsat beriwshi toparlar

IP bloklawdan azat etilgenler

IP bloklawdan azat etilgen paydalanıwshılar ('ipblock-exempt' paydalanıwshı toparı) geypara jagdaylarda ámelge asırılǵan keń kólemli IP bloklawdan tásir kórgen hám sol sebepli administratorlar tárepinen bul jaǵdaydan qutqarılıw maqsetinde usı toparǵa kirgizilgen paydalanıwshılar. Ayırım jaǵdaylarda belgili bir IP yamasa IP aralıqların bloklaw talap etiledi, biraq bul da jeterli bolmaǵan jaǵdaylarda «tek anonim paydalanıwshılar» variantı óshirilip, sol IP arqalı kiriwshi dizimnen ótken bolsa da, barlıq paydalanıwshılar bloklanadı (qarań: AUTOBLOCK). Bunday jaǵdayda payda bolǵan jábirleniwdi saplastırıw ushın usı paydalanıwshılar toparınan paydalanıladı.

2026-jıldıń 12-yanvar sánesine bola qaraqalpaqsha Wikipediada 0 IP bloklawdan azat etilgen paydalanıwshı bar.

IP bloklawdan azat etilgenlerdiń diziminiń eń jańa jaǵdayı ushın Arnawlı:ListUsers/ipblock-exempt beti menen tanısıwıńızǵa boladı.

Waqıtsha esap IP kóriwshileri

Waqıtsha esap IP kóriwshileri statusına iye paydalanıwshılar, IP-mánzillerin tolıq kóre aladı.

Wikiaralıq importlawshılar

Importlawshılar hám Wikiaralıq importlawshılar (Importers hám Transwiki) — Arnawlı:Import betinde ruqsat beriw ushın islep shıǵarılǵan, biraq paydalanılmaytuǵın status iyeleri. MediaWiki programması tuwrıdan-tuwrı XML fayllardan import etiw imkaniyatın beredi, biraq kóplegen Wikimedia joybarlarında bul imkaniyat óshirilgen.

Import funkciyası haqqında qosımsha maǵlıwmat alıw ushın Metadaǵı Járdem:Importla beti menen tanısıwıńız múmkin.