Wikipedia:Wikipedia haqqında

Wikipedia — globallıq, kóp tilli joybar bolıp, onıń maqseti hámme ushın ashıq bolǵan biypul onlayn enciklopediya jaratıwdan ibarat.

---

Wikipedia joybarınıń 2008-jılı iske túsirgen qaraqalpaq tilindegi bólimi. Ashılǵan kúninen baslap internettiń eń keń tarmaqlı resurs saytına aylanıp barmaqta. Wikipedia — bul erkin, kommerciyalıq emes enciklopediya bolıp, onıń ishin dúnyanıń barlıq táreplerinen kewilli adamlar birgelikte tayarlaydı. Bul sayt wiki texnologiyasınan paydalanadı, yaǵnıy dúnyadaǵı internetke jalǵanǵan kompyuterge iye bolǵan hárqanday insan qorǵalǵan júdá az sanlı betten basqa barlıq betlerge qosıw, alıw, redaktorlaw jumısların ámelge asıra aladı. Bunıń ushın tek ǵana bettiń joqarısında jaylasqan «Redaktorlaw» yamasa «Derekti redaktorlaw» túymeshelerinen birin basıw kerek. Bul túymeler sizge betti ózgertiw yamasa betke qosıw imkaniyatın beredi.

Qaraqalpaqsha Wikipedia basqa barlıq tillerdegi Wikipedialar menen bir qatarda Wikimedia kommerciyalıq emes qorınıń dizimnen ótken markası esaplanadı. Fondqa qaraslı Wikipediaǵa qanalas joybarlar da bar. Wikipedia hám qanalas joybarlarda sizlerdi mártlik penen betlerge úles qosıwǵa shaqıradı hám usınıs etedi.

Hár bir maqaladaǵı siltemeler sizdi basqa tiyisli maqalalar hám qosımsha maǵlıwmatlarǵa alıp baradı. Eger siz Wikipedianıń tekstti redaktorlaw qaǵıydalarına ámel etken bolsańız hám qolaylı standartta bolsańız, sizge maǵlıwmat kirgiziwińiz, silteme beriwińiz, citata kirgiziwińiz maqtawǵa ılayıq. Maǵlıwmat kirgiziw yamasa betti rawajlandırıwda adasıp Wikipedianı buzıp qoyıwdan qorqıwdıń keregi joq, sebebi basqa wikipediashılar sizge dárhal másláhát beredi yamasa kerek bolsa anıq qátelerdi dúzetedi. Sonday-aq, «MediaWiki» Wikipedia enciklopediyası programması redaktor tárepinen jiberilgen qáteliklerdi ańsat qayta tiklew múmkin bolıwı ushın puqta islep shıǵılǵan.

Wikipedia, tiykarınan, hámme úles qosıwı múmkin bolǵan úzliksiz keńeyip barıwshı sayt esaplanıwı sebepli, sıpatı boyınsha baspa múrájat dereklerinen ayrıqsha ajıralıp turadı. Ásirese, eski maqalalar túsinikli hám teń salmaqlı bolıwına qaramastan, jańa maqalalar tolıq emes, qáte, enciklopediyalıq emes maǵlıwmatlar yamasa úles qosqan shaxstıń subyektiv pikirleri menen qáliplesken bolıwı múmkin. Paydalanıwshılar durıs maǵlıwmatqa erisiw hám nadurıs maǵlıwmatlardı anıqlaw ushın bunı esapqa alıwı kerek. Basqa tárepten, Wikipedia dinamikalıq hám úzliksiz jańalanıp baradı. Kontent tayarlanıwı hám jańalanıwı ushın bir minut yamasa saatlar ketedi. Bul tayarlaw hám jańalaw processleri baspa enciklopediyalardaǵıday aylar, hátteki jıllar dawam etpeydi.

Eger ele islemegen bolsańız, bir neshe minut waqıtıńızdı ayırıp, «Wikipedia:Wikipedia — bul ne emes?» betin oqıwdı usınıs etemiz. Solay etip, Wikipediadan qalay paydalanıw yamasa úles qosıwdı bilip alasız. Tiykarǵı temalarǵa baylanıslı tolıq maǵlıwmat penen tómende tanısıwıńız múmkin.

Mazmunlı wikiler!

Qosımsha qarań: Wikipedia:Wikipediaǵa xosh keldińiz!

Wikipedia haqqında keńirek maǵlıwmat alıwıńız múmkin bolǵan Wikipedia maqalası.

Járdemge baylanıslı betler hám baylanıs jolları bar bolǵan mazmun beti.

Joybar haqqında jańalıqlar ushın jańalıqlar beti.

Wikipedianıń mazmunı hámmeniń erkin paydalanıwı ushın ashıq

Wikipediaǵa qosılǵan úlesler paydalanıwshınıń qálewi boyınsha GNU erkin sertifikatlaw licenziyası tiykarında beriledi. Bul usıl menen avtorlıq huqıqı haqqındaǵı nızamlardan paydalanǵan halda málimlemeni tek bir shaxs tárepinen tekseriwge jol qoyılmaydı, sol sebepli bul málimlemeden máńgilik múddetke biypul paydalanıw múmkin boladı.

Wikipediadaǵı barlıq maǵlıwmatlar birdey avtorlıq huqıqı shártnaması tiykarında hámme tárepinen biypul kóshiriliwi, maqsetke muwapıq qayta dúziliwi, qálegen tárizde paydalanılıwı hám tarqatılıwı múmkin. Biraq jańa versiyalar da Wikipedia tán alǵan bul erkinliklerdi támiyinlewi hám alınǵan maǵlıwmat avtorı hám dereginiń internet baylanısı da maǵlıwmat penen birge usınılıwı kerek. Tolıq maǵlıwmat ushın Wikipedia:Avtorlıq huqıqları betin hám Wikipedia:GNU erkin sertifikatlaw licenziyası betin kóriwińizge boladı.

Wikipediadan ónimli paydalanıw jolları

Mazmunı

Kópshilik bul saytqa maǵlıwmat alıw, basqalar bolsa óz bilgenleri menen ortaqlasıw maqsetinde keledi. Házirgi waqıttıń ózinde onlaǵan maqala betleri paydalanıwshılar tárepinen ózgertilmekte, jetilistirilmekte. Jańa ózgerisler menen «Aqırǵı ózgerisler» betinde tanısıwıńız múmkin. Jańadan qosılǵan maqalalar da dizimge alınbaqta. Wikipediaǵa hár túrli tiptegi kóplegen adamlar úles qospaqta.

Wikipedia, sonday-aq, dawam etip atırǵan kóplegen joybarlar bar. Hár bir qatnasıwshınıń maqseti — basqalarǵa paydalı hám durıs maǵlıwmat jetkeriw, joybarlar bolsa bul háreketlerdi muwapıqlastırıwǵa járdem beredi. Kóplegen maqalalar dáslep shala maqala (stub) sıpatında baslanadı, biraq qatnasıw kúsheygen sayın tańlamalı maqalaǵa aylanıp, bas bette jaylasıwı múmkin.

Wikimedia Fondı joybarları

	Joybar atı: Wikikitaplar Táriyp: ashıq kitaplar hám qollanbalar Websayt: //www.wikibooks.org		Joybar atı: Wikijańalıqlar Táriyp: ashıq jańalıqlar Websayt: //www.wikinews.org		Joybar atı: Wikitúrler Táriyp: biologiyalıq túrler katalogı Websayt: //species.wikimedia.org
	Joybar atı: Wikimaǵlıwmat Táriyp: bilimler bazası Websayt: //www.wikidata.org		Joybar atı: Wikipedia Táriyp: onlayn enciklopediya Websayt: //www.wikipedia.org		Joybar atı: Wikiversitet Táriyp: sabaqlıq hám kurslar toplamı Websayt: //www.wikiversity.org
	Joybar atı: Wikiqoyma Táriyp: medialar qoymaxanası Websayt: //commons.wikimedia.org		Joybar atı: Wikicitata Táriyp: citatalar toplamı Websayt: //www.wikiquote.org		Joybar atı: Wikisayaxat Táriyp: jol kórsetkishler Websayt: //www.wikivoyage.org
	Joybar atı: Meta-Wiki Táriyp: Wikimedia joybarlarınıń koordinaciyası Websayt: //meta.wikimedia.org		Joybar atı: Wikiderek Táriyp: onlayn kitapxana Websayt: //www.wikisource.org		Joybar atı: Wikisózlik Táriyp: onlayn sózlik Websayt: //www.wiktionary.org

Sırtqı siltemeler

• Wikipedia Facebookta
• Wikipedia on Twitter
• Instagramda Wikipedia