Wikipedia:WikiNomad: Karakalpakstan

2025-jıl 18-19-iyul | Nókis qalası, Qaraqalpaqstan

Qaraqalpaqsha Wikipedia jámiyeti tárepinen tájiriybeli wikipediashılar basshılıǵında 2025-jıldıń 18-19-iyul sánesinde jańa Wikimediashılardı jetilistiriw maqsetinde Wikiqoyma (Wikimedia Commons) hám Wikipedianıń qaraqalpaq tili bólimine qaratılǵan Wikimedia CEE Hub jaslar birlespesiniń qáwenderligi astında arnawlı tur hám seminar shólkemlestirilmekte.

Maqsetler

Qaraqalpaqsha Wikipedia jámiyetiniń keńeyiwi, belsendi paydalanıwshılar arasındaǵı baylanıslardı fizikalıq jaqtan iske asırıw;
Wikiqoymada Qaraqalpaqstan aymaǵında túsirilgen fotosúwretlerdiń sanın kóbeytiw hám olardı qaraqalpaqsha Wikipediadaǵı tiyisli maqalalarǵa qoyıw;
Qaraqalpaq jámiyetinde Wikipedianıń zamanagóy dáwirde bilim alıwda ayrıqsha áhmiyetke iye bolǵan virtual málimleme platforması sıpatındaǵı áhmiyetin kórsetiw;
Qaraqalpaqsha Wikipediadan paydalanıwdı ǵalaba en jaydırıw, zamanagóy texnologiyalıq qurallardan paydalanıw kónlikpelerine iye bolǵan volontyor jaslardı Wikipediaǵa tartıw boyınsha úgit-násiyat jumısların alıp barıw.

Islenetuǵın jumıslar

Ilajda 30 paydalanıwshı ushın seminar shólkemlestiriledi, seminar dawamında coffee break. Seminarda qatnasıwshılarǵa Wikipedia hám Wikiqoyma tuwralı tiykarǵı túsinikler, Wikipediaǵa maqala jazıw tártibi, maqalalardı redaktorlaw, Wikiqoymaǵa súwretler júklew tuwralı túsinikler beriledi. Seminardan keyin 20 qatnasıwshı menen birgelikte Qaraqalpaqstannıń mádeniy esteliklerin kóriw hám sol jerlerden sapalı fotosúwretler túsiriw.

Túsirilgen súwretler Wikiqoymaǵa erkin paydalanıw licenziyası menen júklenip, súwretler qaraqalpaqsha Wikipediadaǵı tiyisli maqalalarǵa qoyıladı.

Qalay qatnasa alaman?

Sorawlarıńız bolsa usı bettiń talqılaw betine yamasa Telegramdaǵı qaraqalpaqsha Wikipedi kanalınıń soraw-usınıslar ushın arnalǵan «Qaraqalpaqsha Wikisáwbet» toparına jazsańız boladı.

Seminarda qatnasıw ushın múrájatlar ARZA JIBERIW FORMASÍ arqalı qabıllanadı. Arza jiberiw múddeti: 11-15-iyul 2025.