Wikipedia:Wikipedia haqqında siz bilmegen 10 nárse
 | Bul bet yumor tili menen jazılǵan esse bolıp tabıladı. Bir yamasa bir neshe Wikipedia paydalanıwshılarınıń usınısı yamasa kózqarasın házil usılında bayanlawdı óz ishine aladı. Bul bet Wikipedianıń siyasatları yamasa kórsetpelerine kirmeydi, sebebi ol jámiyet tárepinen úyrenilmegen. Ayırım esseler ulıwma normalardı sáwlelendiredi, ayırımları tek azshılıqtıń kóz-qarasların sáwlelendiredi. |
Wikipedia haqqında siz bilmegen 10 nárse, ásirese, joybar haqqında bilimleri sheklengen hám tájiriybesiz adamlar ushın mólsherlengen. Bul materiallar tájiriybeli paydalanıwshılardı tań qaldırmaydı hám tań qaldırmawı da kerek, biraq dúnyanıń qalǵan bólegine joybar haqqında belgili bir maǵlıwmat penen tastıyıqlanǵan pikirlerge iye bolıwına járdem beredi dep úmit etemiz.
- Tolıǵıraq maǵlıwmat ushın: Wikipedia:Wikipedia haqqında
Satılmaymız
[derekti redaktorlaw]Eger siz Wikipedianı basqa bir iri internet-kompaniya tárepinen alınıwın kútip atırǵan bolsańız, bosqa kútip qalmawıńızdı usınıs etemiz. Wikipedia — San-Fransiskoda jaylasqan Wikimedia kommerciyalıq emes fondı tárepinen basqarılatuǵın kommerciyalıq emes internet saytı. Biz qayır-saqawat hám járdemler menen qollap-quwatlanamız hám biziń maqsetimiz — dúnyadaǵı barlıq insanlarǵa biypul bilim jetkeriw.
- Tolıǵıraq maǵlıwmat ushın: Wikimediafoundation.org
Jumısımızdan hár kim bir neshe shártler menen paydalanıwı múmkin
[derekti redaktorlaw]Wikipedia GNU/Linux hám Mozilla Firefox sıyaqlı proektlerdi óz ishine alǵan erkin programmalıq jámiyetten ilhamlandı hám de kontentke ádettegi avtorlıq huqıqlardan ayırılǵan. Onıń ornına biz erkin hújjetler licenziyası dep atalıwshı GNU erkin hújjetlestiriw licenziyasın qabıl ettik hám usı arqalı paydalanıwshılarımız tárepinen jazılǵan barlıq jazıwlar hám redaktorlawlar barlıq waqıtta hámme ushın kóshiriw, ózgertiw hám tarqatıw ushın biypul bolıwına imkan jarattıq. Biz tek ǵana qatnasıwshılarǵa kredit beriw hám jumıs ústinde yamasa rawajlandırıwdan keyin qosımsha huqıq talap etpewdi talap etemiz. Saytımızdaǵı kóplegen súwretler, videolar hám basqa da media quralları erkin licenziya yamasa «Jámiyetlik múlk» licenziyası astında járiyalanǵan. Licenziya jaǵdayı boyınsha fayldıń tanıstırıw betine qarań.